الەمدەگى ەڭ بەدەلدى ءتولقۇجات – ءباا ازاماتتارىندا.
ولار ءۇشىن 125 ەلدە ۆيزاسىز رەجيم قولدانىلادى، تاعى 55 ەلدە ۆيزانى كەلگەننەن كەيىن الۋعا بولادى جانە تەك 18 ەلگە ۆيزا قاجەت. ءتولقۇجاتتارعا قاتىستى رەيتينگتى Finprom.kz جاريالادى، دەپ حابارلايدى Almaty-akshamy.kz.
ال ەلىمىزدىڭ پاسپورتى رەيتينگتە 97 ەل اراسىندا 53ء-شى ورىنعا تۇراقتادى.
رەيتينگىگە بۇۇ-عا مۇشە 193 ەل جانە 6 اۋماق قاتىستى (بىرنەشە ەل ءبىر ورىندى يەلەنۋى مۇمكىن).
قازاقستان رەسپۋبليكاسىنىڭ يندەكسى 91ء-دى قۇرادى (يندەكس نەعۇرلىم جوعارى بولسا، ەل پاسپورتى سوعۇرلىم بەدەلدى بولىپ سانالادى). قازاقستاندىق پاسپورتى بار ازاماتتار ۆيزاسىز 39 ەلگە بارا الادى، تاعى 52 ەلدە ۆيزانى كەلگەننەن كەيىن راسىمدەۋگە مۇمكىندىك جاسالعان. ال 107 مەملەكەتكە بارۋ ءۇشىن قازاقستاندىقتارعا ۆيزا قاجەت. ايتا كەتەيىك، قازاقستان بۇل ورىندى تىنىق مۇحيتىنىڭ مارجان ارالىنداعى اسا كىشكەنتاي مەملەكەت ناۋرۋمەن ءبولىسىپ تۇر.
ءار پاسپورتتىڭ جەكە رازريادىن انىقتاۋ ءۇشىن رەيتينگ ساراپشىلارى ءۇش دەڭگەيلى ءادىستى قولدانعان:
- موبيلدىلىكتى باعالاۋ (MS) – ۆيزاسىز رەجيم (VF)، كەلۋ ۆيزاسى (VOA)، كىرۋگە ەلەكتروندى رۇقسات الۋ (eTA) جانە ۆيزانى ەلەكتروندى (eVisa) تۇردە الۋ، ەگەر 3 كۇن ىشىندە بەرىلسە؛
- VF جانە VOA ۇپايلارى؛
- بۇۇ دامۋ باعدارلاماسىنىڭ ادام الەۋەتىن دامىتۋ يندەكسى (قوسىمشا كريتەريي رەتىندە پايدالانىلادى).
رەيتينگىنىڭ ورتاسىندا – 45ء-شى ورىندا، 101 يندەكسى بار ءتولقۇجاتتار شىعىس تيمور مەن باحرەين ورنالاسقان.
تمد ەلدەرى اراسىندا قازاقستان پاسپورتى ۋكراينا، رەسەي، مولدوۆا جانە بەلارۋس ەلدەرىنە جول بەرىپ تۇر. بۇل رەتتە، ءبىزدىڭ پاسپورت ارمەنيا، ازەربايجان، قىرعىزستان، وزبەكستان، تاجىكستان جانە تۇرىكمەنستان قۇجاتتارىنان مىقتى بولىپ وتىر.