الماتى حايۋاناتتار باعىندا جانۋارلارعا جاڭعاق جيناۋ اكسياسى جاريالاندى.
الماتى قالاسىنىڭ وڭىرلىك كوممۋنيكاسيالار قىزمەتى ب ا ق وكىلدەرى ءۇشىن باسپا ءسوز تۋرىن ۇيىمداستىردى، دەپ حابارلايدى Almaty-akshamy.kz
حايۋاناتتار باعىنىڭ ورتالىق كىرەبەرىسىندە قابىلداۋ پۋنكتى ورنالاسقان، وندا كەز كەلگەن ادام جينالعان جاڭعاقتارىن تاپسىرا الادى. مۇندا جاڭعاقتار ولشەنەدى جانە جانۋارلار جەيتىن تاعامدار اكەلگەندەر تۋرالى مالىمەتتەر جازىلىپ الىنادى.
3 كگ جاڭعاق ءۇشىن ءبىر بالا حايۋاناتتار باعىنا بيلەت الادى، ەرەسەك ادامعا 7 كگ جاڭعاق ءۇشىن بيلەت بەرىلەدى. بيلەتتەردى 2023 جىلدىڭ 31 جەلتوقسانىنا دەيىن پايدالانۋعا بولادى.
«قالالىق ساياباقتار مەن الاڭداردا جاڭعاقتار ءپىستى. الماتىنىڭ كوشەلەرى مەن تروتۋارلارى ءۇشىن بۇل قوقىس، ال الماتى حايۋاناتتار باعىنىڭ كوپتەگەن جانۋارلارى ءۇشىن قۇنارلى كالوريالى ازىق. سوندىقتان 5 قازاننان 7 قاراشاعا دەيىن حايۋاناتتار باعى جىل سايىنعى «جاڭعاقتى كۇز» اكسياسىن وتكىزەدى جانە قالا تۇرعىندارى مەن قوناقتارىنا جاڭعاقتى دايىنداۋعا كومەك سۇراپ جۇگىنەدى»، – دەدى قوعاممەن بايلانىس جانە دامۋ ءبولىمىنىڭ باسشىسى اقجامي راحيموۆا.
اكسيا سوڭىندا حايۋاناتتار باعىنىڭ قىزمەتكەرلەرى ءىس-شارانى قورىتىندىلاپ، جاڭعاقتى كوپ جيناعاندى شاعىن باعالى سىيلىقتارمەن جانە گراموتامەن ماراپاتتايدى.
مال ازىعىنا تاپسىرىلاتىن جاڭعاقتار جانۋارلاردى تاماقتاندىرۋعا جارامدى جانە مىناداي تالاپتارعا ساي بولۋى ءتيىس:
- تازا، پىسكەن جانە قۇرعاق بولۋى كەرەك؛
- ءتۇسى تابيعي، كوگەرمەگەن بولۋى كەرەك،
- اراسىندا جاپىراق، تاس، بۇتاقتار مەن قوقىس بولماۋى كەرەك،
سونداي-اق، ۋلى حيميكاتتارمەن جانە پەستيسيدتەرمەن وڭدەلمەگەن بولۋى كەرەك.
ەگەر حايۋاناتتار باعىنداعى جانۋارلارعا ارنالعان اكسيا ۇيىمداستىرىلعان ءبىرىنشى جىلى 3،5 توننا جاڭعاق جيناسا، 2016 جىلى 7 توننا جينالىپ، رەكورد ورىندالدى. بيىل قازان ايىنىڭ باسىنان بەرى 473 كەلى جينالدى.
«بۇل نەگىزگى ازىق ەمەس، بۇل اكسيا حايۋاناتتار باعىنا كەلۋشىلەردى تارتۋ ءۇشىن جانە ءاربىر كەلۋشىنىڭ حايۋاناتتار باعىنىڭ ومىرىنە اتسالىسۋشى رەتىندە سەزىنۋى ءۇشان قولعا الىنعان. اكسيا الماتىلىقتار اراسىندا كەڭىنەن تارالعانى سونشالىق، قىركۇيەك ايىنىڭ باسىنان باستاپ تۇرعىندار جاڭعاقتارى جيناپ، كوپ مولشەردە اكەلەدى»، - دەپ ءبولىستى ا.راحيموۆا.
جينالعان جاڭعاقتارمەن تۇياقتى جانۋارلار قورەكتەنەدى: بۇعى، ەلىك، قابان، اقبوكەن، ءتىپتى تۇيەلەر مەن كەرىكتەر دە جەيدى.
باسپا ءسوز تۋرى بارىسىندا حايۋاناتتار باعىنىڭ قىزمەتكەرلەرى شاعىن ەكسكۋرسيا وتكىزىپ، جۋرناليستەرگە جانۋارلاردى قالاي تاماقتاندىراتىنىن ناقتى كورسەتتى.