ليۋكس ساناتىنداعى تۋريستىك پويىز تاشكەنت، سامارقاند، بۇحارا جانە حيۋا قالالارىن قامتيدى. الايدا مۇنداي باعىتتاعى پويىز تەك 2026 جىلدىڭ سوڭىندا جۇرە باستايدى. "وزبەكستان تەمىر جولدارى" اق يتاليالىق Arsenale جانە وزبەكستاننىڭ تۋريزم بويىنشا مەملەكەتتىك كوميتەتى بىرىگىپ، مەماراندۋمعا قول قويدى، - دەپ حابارلايدى اlmaty-akshamy.kz ريا نوۆوستي باسىلىمىنا سىلتەمە جاساپ.
مۇنداي كەلىسىمگە سامارقاندتا وتكەن بۇكىلالەمدىك تۋريستىك ۇيىمنىڭ باس اسسامبلەياسىنىڭ 25-سەسسياسىندا قول قويىلدى.
قۇجاتقا سايكەس يتاليالىق كومپانيا "ليۋكس" ساناتىنداعى پويىزداردى قۇراستىرادى. وسىلايشا 2026 جىلدىڭ سوڭىندا تاشكەنت - سامارقاند - بۇحارا - حيۋا باعىتىندا قاتىنايتىن بولادى. مۇنداي جەدەل پويىزدار ەۋروپا ەلدەرىندە، ساۋد ارابياسىندا جانە باا-دە بار.
تامىزدا "وزبەكستان تەمىر جولدارى" اق وكىلدەرى يتاليالىق Arsenale Group كومپانياسى ەۋروپادان رەسەي ارقىلى قىتايعا قاتىنايتىن تۋريستىك جەدەل پويىزدى ىسكە قوسۋ تۋرالى ۇسىنىستى قاراستىرىپ جاتقاندارىن مالىمدەگەن ەدى.