اق ايۋ پراگادان اكەلىنگەن.
ەندى پراگا حايۋاناتتار باعى جان-جاقتى تەرگەۋ جۇرگىزۋدى تالاپ ەتىپ وتىر، دەپ حابارلايدى Almaty-akshamy.kz
الماتى حايۋاناتتار باعىنا ناۋرىز ايىنىڭ سوڭىندا پراگادان اكەلىنگەن ايۋ 4 مامىردا كەنەتتەن ءولىپ قالدى.
"تومنىڭ ولگەنى تۋرالى پراگا حايۋاناتتار باعىنا 18 كۇننەن كەيىن حابارلاندى"، - دەيدى مەكەمەنىڭ ديرەكتورى ميروسلاۆ بوبەك.
پراگا حايۋاناتتار باعىنا جولدانعان حابارلامادا ولىمگە ماڭداي جانە مۇرىن قۋىستارىنىڭ سوزىلمالى ىدىرايتىن قابىنۋى سالدارىنان اعزانىڭ ۋلانۋى سەبەپ بولعانى ايتىلعان.
بوبەك جىرتقىش قازاقستانعا جونەلتىلگەن كەزدە ساپ-ساۋ بولعانىن مالىمدەدى، ال الماتى حايۋاناتتار باعى كەرىسىنشە ايتىپ وتىر.
ديرەكتور مۇقيات تەرگەۋ جۇرگىزۋدى تالاپ ەتتى، سونىمەن قاتار ول ەۋروپا حايۋاناتتار باعى مەن اكۆاريۋمدار قاۋىمداستىعىنا جانە چەحيانىڭ قازاقستانداعى ەلشىلىگىنە حابارلاسپاقشى.