بۇگىندە 20 مىڭنان استام ادام كۋرستان ءساتتى ءوتتى.
كۋرس باعدارلاماسى 3 مودۋلدەن جانە 10 جەكە تاقىرىپتان تۇرادى، دەپ حابارلايدى Almaty-akshamy.kz
سىبايلاس جەمقورلىققا قارسى قىزمەت قوعامدا جەمقورلىققا قارسى مادەنيەتتى قالىپتاستىرۋ شەڭبەرىندە «Documentolog Global Limited» كومپانياسىمەن جانە م.س. نارىكبايەۆ اتىنداعى قازگزۋ ۋنيۆەرسيتەتىمەن بىرلەسە مەملەكەتتىك قىزمەتكەرلەرگە ارنالعان جەمقورلىققا قارسى ونلاين وقۋ كۋرسىن ازىرلەدى.
كۋرستىڭ ماقساتى – جەمقورلىققا مۇلدەم توزبەۋشىلىكتى قالىپتاستىرۋ، سونداي-اق مەملەكەتتىك قىزمەتكەرلەردى جەمقورلىق تاجىريبەلەرى، ولاردىڭ سالدارى جانە الدىن الۋ ادىستەمەلەرى تۋرالى جۇيەلى بىلىممەن قامتاماسىز ەتۋ.
بۇل كۋرس «Documentolog» اقپاراتتىق جۇيەسىندە وتەدى. ول وسى پلاتفورماعا قول جەتكىزە الاتىن بارلىق مەملەكەتتىك قىزمەتكەرلەردى قامتۋعا مۇمكىندىك بەرەدى.
«Documentolog» اج – بۇل مەملەكەتتىك قىزمەتكەرلەر، سونداي-اق كۆازيمەملەكەتتىك جانە جەكە سەكتور سۋبەكتىلەرىنىڭ قىزمەتكەرلەرى كۇندەلىكتى پايدالاناتىن ەلەكتروندىق قۇجات اينالىمى جۇيەسى.
كۋرس باعدارلاماسى 3 مودۋلدەن جانە 10 جەكە تاقىرىپتان تۇرادى. وقۋ ماتەريالدارى سحەمالار، جادىنامالار جانە ينتەراكتيۆتى پرەزەنتاسيالار فورماتىندا قىسقاشا ماتىندىك باياندامالار تۇرىندە ۇسىنىلعان.
كۋرس زاڭدار مەن نورماتيۆتەردى ءتۇسىنۋدى، جەمقورلىققا قارسى مىنەز-قۇلىقتى ەنگىزۋدى، قۇرالداردى مەڭگەرۋدى قامتيتىن جەمقورلىققا قارسى نورمالار مەن مىنەز-قۇلىقتاردى وقىتۋعا تۇتاس كوزقاراستى ۇسىنادى.
سونىمەن قاتار، ءقازىر مەملەكەتتىك قىزمەتكەرلەردى جەمقورلىققا قارسى وقىتۋ جىل سايىن 10 مىڭعا جۋىق مەملەكەتتىك قىزمەتكەردى قامتي وتىرىپ، ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ بازاسىندا قايتا دايارلاۋ جانە بىلىكتىلىگىن ارتتىرۋ شەڭبەرىندە جۇرگىزىلەدى.
اگەنتتىك ازىرلەگەن ونلاين كۋرس بارلىق مەملەكەتتىك قىزمەتكەرلەردى جۇمىس پروسەستەرىنەن قول ۇزبەي، جەمقورلىققا قارسى بىلىممەن ۋاقتىلى قامتۋعا مۇمكىندىك بەرەدى. الداعى ۋاقىتتا بۇل كۋرستى ۇلتتىق كومپانيالاردا، كۆازيمەملەكەتتىك جانە جەكە ۇيىمداردا تاراتۋ جوسپارلانىپ وتىر.