بۇگىنگى اۋا رايى تۇراقسىز.
"قازگيدرومەت" رمك مالىمەتىنشە، ەلىمىزدىڭ باسىم بولىگىندە تۇراقسىز اۋا رايى ساقتالادى - نايزاعاي ويناپ، جاڭبىر جاۋىپ، ەكپىندى جەل سوعادى، دەپ حابارلايدى Almaty-akshamy.kz
"سولتۇستىكتە - قاتتى جاۋىن-شاشىن (جاڭبىر، قار)، سولتۇستىك-باتىستا، وڭتۇستىكتە - قاتتى جاڭبىر، رەسپۋبليكانىڭ سولتۇستىگىندە، سولتۇستىك-باتىسىندا، وڭتۇستىگىندە، شىعىسىندا بۇرشاق جاۋۋى مۇمكىن. رەسپۋبليكادا، وڭتۇستىك-باتىستا ەكپىندى جەل كۇتىلەدى، شىعىستا، سولتۇستىكتە، ورتالىقتا تۇمان تۇسەدى"، - دەلىنگەن حابارلامادا.
بولجام بويىنشا سولتۇستىك قازاقستاننىڭ سولتۇستىگىندە، اقتوبە، قوستاناي وبلىستارىنىڭ سولتۇستىك-باتىسىندا تۇندە -1-3°س اياز كۇتىلەدى.
سينوپتيكتەر سونداي-اق قوستانايدىڭ وڭتۇستىگىندە، اتىراۋدىڭ سولتۇستىك-باتىسىندا، قىزىلوردانىڭ شىعىسىندا، باتىسىندا، باتىس قازاقستاننىڭ وڭتۇستىك-باتىسىندا، سولتۇستىك-باتىسىندا، شىعىسىنىڭ وڭتۇستىك-شىعىسىندا، قازاقستان، اباي وبلىستارىنىڭ ورتالىعىندا جوعارى ءورت ءقاۋپى ساقتالادى.
"اباي وبلىسىنىڭ وڭتۇستىگىندە، تۇركىستان وبلىستارىنىڭ ءشولدى ايماقتارىندا، جەتىسۋ وبلىسىنىڭ شىعىسىندا وتە جوعارى ءورت ءقاۋپى بار"، - دەپ حابارلادى "قازگيدرومەت" رمك.