بۇگىنگى تاڭدا الماتى قالاسى گازداندىرۋ دەڭگەيى بويىنشا ەلىمىزدە ءبىرىنشى ورىندا. شامامەن 2 ملن تۇرعىن تابيعي گازعا قول جەتكىزگەن، دەپ حابارلايدى Almaty-akshamy.kz Inform.kz-كە سىلتەمە جاساپ.
قالانى گازداندىرۋ «قازترانسگاز ايماق» الماتى وندىرىستىك فيليالىنىڭ ينۆەستيسيالىق باعدارلاماسى شەڭبەرىندە جۇزەگە اسىرىلىپ جاتىر. «2017-2021 جىلدارعا ارنالعان ينۆەستيسيالىق باعدارلاما شەڭبەرىندە 12 ملرد تەڭگە قارجىلاندىرۋ سوماسىنا 265 كم گاز قۇبىرى سالىندى، 114،4 كم قولدانىستاعى گاز قۇبىرى رەكونسترۋكسيالاندى، 40 شكافتىق گاز رەتتەۋ پۋنكتى، 3 گاز رەتتەۋ بلوك پۋنكتى جانە 63 بىرلىك ەلەكتر-حيميالىق قورعاۋ ستانسيالارى ورناتىلدى»،- دەدى بريفينگ بارىسىندا ق ر ەنەرگەتيكا ءمينيسترى بولات اقشولاقوۆ.
ءمينيستردىڭ ايتۋىنشا، بۇل شارالار سەنىمدى تاسىمالداۋدى قامتاماسىز ەتىپ قانا قويماي، 4 مىڭ جاڭا ابونەنتتى گازبەن قامتۋعا مۇمكىندىك بەردى. 2022 جىلدىڭ 1 قاڭتارىنان بەرى 2124 ءۇي قوسىلدى، بۇل قالانىڭ ەكولوگيالىق جاعدايىن جاقسارتۋعا وڭ اسەرىن تيگىزۋدە.
«2022-2026 جىلدارعا ارنالعان جاڭا ينۆەستيسيالىق باعدارلاما 15،2 ملرد تەڭگە مولشەرىندە بەكىتىلدى. ينۆەستيسيالىق باعدارلاما: - ۇزىندىعى 158 شاقىرىم گاز قۇبىرلارىن رەكونسترۋكسيالاۋعا؛ - قوسىمشا 355 ابونەنتتى گازبەن قامتاماسىز ەتۋ ءۇشىن ۇزىندىعى 113 شاقىرىم جاڭا جەلىلەر سالۋعا؛ - 111 بىرلىك ەلەكتر-حيميالىق قورعاۋ ستانسيالارىن جانە 53 بىرلىك شكافتىق گاز رەتتەۋ پۋنكتتەرىن رەكونسترۋكسيالاۋعا باعىتتالعان»، - دەيدى مينيستر.