مۇناي ونىمدەرىن بولشەك ساۋدادا وتكىزۋ ماسەلەسى، ناقتىراق ايتقاندا جانار-جاعار ماي باعاسى باقىلاۋدا. بۇل تۋرالى بريفينگ بارىسىندا ق ر ەنەرگەتيكا ءمينيسترى بولات اقشولاقوۆ ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
ءمينيستردىڭ ايتۋىنشا، بۇگىندە اي-92 بەنزينىنىڭ ورتاشا قۇنى – 181، اي-95 – 213، ديزەل وتىنى – 230 تەڭگە.
«ءبىز وتىن تاراتۋ جۇيەسىن جەتىلدىرۋدى، باعا بەلگىلەۋمەن اينالىساتىن ءونىمسىز دەلدالداردى جويۋدى ۇسىنامىز. ولار – مۇناي وڭدەۋگە دە، ونى تاسىمالداۋعا دا قاتىسپايتىندار، سونداي-اق بۇرىنعىداي مۇناي بازالارى، جانار-جاعار ماي قۇيۋ ستانسيالارى جوقتار»، - دەدى ەنەرگەتيكا ءمينيسترى.
سونىمەن قاتار، ول 180 كۇندىك موراتورييدەن كەيىن باعانىڭ كۇرت وسۋىنە جول بەرمەۋ ءۇشىن ەنەرگەتيكا مينيسترلىگى مەملەكەتتىك كىرىستەر كوميتەتىمەن بىرلەسىپ، سۇيىتىلعان مۇناي گازىنىڭ ىشكى نارىقتاعى اينالىمىن باقىلاۋعا العانىن اتاپ ءوتتى. بولات اقشولاقوۆ اي-92 جانە اي-93 بەنزين سۇرىپتارىنىڭ باعاسى جاپپاي قاتتى كوتەرىلمەيتىنىن، ويتكەنى مينيسترلىكتە بۇل ماسەلە زاڭناماعا تۇزەتۋلەر ەنگىزىلگەنگە جانە دەلدالداردى الىپ تاستاعانعا دەيىن رەتتەلەتىندىگىن تىلگە تيەك ەتتى.
«اي-95، اي-96 جانە اي-98 پرەميۋم ماركالى بەنزينگە كەلەتىن بولساق، ونىڭ باعاسى نەگىزسىز وسپەيدى. بۇل ديزەلدىك وتىنعا دا قاتىستى. بۇل كۇزگى جيناۋ ناۋقانى ويداعىداي ءوتۋى ءۇشىن جاسالىپ وتىر»، - دەدى مينيستر. سونىمەن قاتار، ەنەرگەتيكا ءمينيسترى مۇناي ونىمدەرىن اۆتوموبيلمەن ەكسپورتتاۋعا تىيىم سالۋ 6 ايعا ۇزارتىلعانىن ەسكە سالدى.