«جۇمىسشى ماماندىقتار قالاسى» فەستيۆالىندە الماتى ەنەرگەتيكا جانە ەلەكتروندى تەحنولوگيالار كوللەدجىنىڭ ستۋدەنتتەرى وزدەرى ازىرلەگەن اۆتونومدى جىلىتۋ جانە ىستىق سۋمەن جابدىقتاۋ جۇيەسىن تانىستىردى.
ول ورتالىقتاندىرىلعان جەلىلەردەن دەربەس جۇمىس ىستەيدى، ەنەرگيانىڭ جوعارى تيىمدىلىگى مەن ەكولوگيالىق تازالىقتى قامتاماسىز ەتەدى، دەپ حابارلايدى aqshamnews.kz.
اۆتوماتتى باسقارۋ جۇيەسىنىڭ ارقاسىندا تەمپەراتۋرا جوعارى دالدىكپەن رەتتەلەدى، بۇل جىلۋ شىعىندارىن ازايتۋعا جانە جايلىلىق دەڭگەيىن ارتتىرۋعا مۇمكىندىك بەرەدى. زاماناۋي تەحنولوگيالارمەن جۇمىس جاساي وتىرىپ، ستۋدەنتتەر وزەكتى ينجەنەرلىك شەشىمدەردى مەڭگەرىپ قانا قويماي، بولاشاق كاسىبي قىزمەت ءۇشىن قاجەتتى پراكتيكالىق تاجىريبە الادى.
«بۇل جوبا تەوريالىق ءبىلىمدى ءىس جۇزىندە قالاي قولدانۋعا بولاتىندىعىن ناقتى كورسەتەدى. ءبىز جاي عانا وقىپ جاتقان جوقپىز — ناقتى جۇمىس جاعدايلارىنا دايىندالىپ جاتىرمىز، وقۋدى بىتىرگەننەن كەيىن ءبىزدىڭ تۇلەكتەرىمىز وندىرىسكە دايىن مامان بولىپ بارادى»، — دەيدى كوللەدج ستۋدەنتى قىرىقباي الپامىس.
مۇنداي باستامالار وقۋشىلاردىڭ ءبىلىمىن ارتتىرىپ قانا قويماي، ولاردىڭ كاسىبي قۇزىرەتتەرىن دامىتادى. يننوۆاسيالىق تەحنولوگيالارمەن جۇمىس تاجىريبەسى ستۋدەنتتەردىڭ زاماناۋي ونەركاسىپتىڭ تالاپتارىنا بەيىمدەلۋىنە ىقپال ەتەدى.