الماتىدا الداعى قالا كۇنىنە ارنالعان كونسەرتتەر ءوتتى
شارالار اشىق اسپان استىندا ۇيىمداستىرىلدى. «ارباتتا» وتكەن «الماتى – ماحابباتىم» اتتى كونسەرت-سپەكتاكلدە «جاڭا عاسىر» تەاترىنىڭ قاتىسۋىمەن تانىمال فيلمدەردىڭ ساۋندترەكتەرى مەن تەاترلاندىرىلعان كورىنىستەر ۇسىنىلدى.
- رەپەرتۋارىمىز سۇيىكتى قالامىز الماتىنىڭ توڭىرەگىندە قۇرىلعان، - دەپ اتاپ ءوتتى «جاڭا عاسىر» تەاترىنىڭ ءارتىسى مۇحتار قوسىباي.
كونسەرت جاستاردىڭ باسىن قوسىپ، كورەرمەندەر انگە قوسىلىپ، بي بيلەدى. سونىمەن قاتار، ءدال وسى كەشتە مەگاپوليستە تاعى ءبىر كونسەرت – «اسىل قازىنا» ءوتتى. بۇل كونسەرت ءداستۇرلى ونەر تەاترى «الاتاۋ» الدىندا ۇيىمداستىرىلىپ، وعان رامازان ستامعازييەۆ، ساۋلە جانپەيىسوۆا، ەركىن شۇكىمان، امانگەلدى كوزەۋباي جانە باسقا دا ونەرپازدار قاتىستى.
كونسەرتتەر قالا تۇرعىندارى مەن قوناقتارىنا ەرەكشە كوڭىل-كۇي سىيلاپ، قالا كۇنىنە دەگەن مەرەكەلىك اتموسفەرانى كۇشەيتتى. مادەني شارالار قالانىڭ تاريحىن، مادەنيەتىن ناسيحاتتاپ، ونىڭ رۋحاني بايلىعىن جاڭعىرتۋعا باعىتتالعان.