پاريجدە وتكەن وليمپيادا ويىندارىنىڭ كۇمىس جۇلدەگەرى ناريمان قۇربانوۆ قازاقستان رەسپۋبليكاسى ۇلتتىق ۇلانىنىڭ الماتىداعى "وڭتۇستىك” وڭىرلىك قولباسشىلىعىنا قاراستى 5571 اسكەري بولىمىنە كەلدى.
ەل نامىسىن الەم بىرىنشىلىگىندە قورعاپ، كوك تۋىمىزدى كوككە كوتەرگەن وتانداسىمىز رۋحى مىقتى، كۇش-جىگەرى تاسىپ تۇرعان جالىندى جاستاردىڭ قاتارىنان. كەزدەسۋ بارىسىندا ول قۇقىقتىق تارتىپكە جاۋاپتى جاۋىنگەرلەرگە اقىل-كەڭەسىن ايتىپ، وتانعا ادال قىزمەت ەتىپ جۇرگەندەرى ءۇشىن العىس ءبىلدىردى.
ءىس-شارا سوڭىندا 5571 اسكەري ءبولىمى كومانديرىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى پودپولكوۆنيك ۇلىقبەك قارايەۆ تا چەمپيونعا جەڭىسىمەن ەلىمىزدى الەمگە مويىنداتقانى ءۇشىن ۇلاندىقتار اتىنان العىسىن جەتكىزدى. سونداي-اق قۇرمەتتى قوناقتى
“وڭتۇستىك“ وڭىرلىك قولباسشىلىعىنىڭ قولباسشىسى گەنەرال- مايور تالاپكەر امىرەيەۆتىڭ العىس حاتىمەن ماراپاتتاپ، ەستەلىككە سىيلىق تابىستادى.