الماتىدا ەكپە بولمەلەرى 1 اقپاندا جۇمىس ىستەي باستادى. №1 قالالىق ەمحانادا كوروناۆيرۋسقا قارسى العاشقى ەگۋ پۋنكتتەرىنىڭ ءبىرى ورنالاستىرىلدى. ءبىز مەديسينالىق قىزمەتكەرلەر مەن سانيتارلىق-ەپيدەميولوگيالىق قىزمەتتىڭ قىزمەتكەرلەرىن ۆاكسينالاۋدان باستادىق، كەيىنىرەك بارلىعى ۆاكسينالانۋعا مۇمكىندىك الدى. №1 قالالىق ەمحانانىڭ باس دارىگەرى ازامات زايىروۆ ەكپە ناۋقانى تۋرالى ايتتى.
باس دارىگەر اتاپ وتكەندەي، كوروناۆيرۋس جۇقتىرعاندار سانىنىڭ ارتۋىنا بايلانىستى ولاردىڭ مەديسينالىق مەكەمەسىنىڭ ءموبيلدى توپتارى كۇشەيتىلگەن رەجيمدە جۇمىس ىستەۋدە، دەپ حابارلايدى Almaty-akshamy.kz
«بۇگىندە ءبىزدىڭ ەمحانادا 6 دارىگەر مەن 9 مەدبيكەدەن تۇراتىن 6 ءموبيلدى توپ جۇمىس ىستەيدى. سونىمەن قاتار، ەرەسەكتەر مەن بالالار بولىمىنە ارنالعان 2 دارىگەر مەن 3 مەدبيكەدەن تۇراتىن فيلتر-بولمەلەرى بار. كۆي-مەن كۇرەسۋگە 4 ساناتتاعى جەدەل جاردەم بريگاداسى دا جۇمىلدىرىلعان، ونىڭ قۇرامىندا 4 فەلدشەر مەن سونشا ديسپەچەر بار»، - دەدى ازامات زايىروۆ.
باس دارىگەر بۇگىندە كوروناۆيرۋس جۇقتىرعان 350 ناۋقاس الماتىداعى №1 ەمحانانىڭ مەديسينالىق توپتارىنىڭ باقىلاۋىندا ەكەنىن ايتتى.
ءوزىن-وزى قورعاۋ ءۇشىن ەمحانا قىزمەتكەرلەرىنىڭ بارلىعى تۇگەل كوروناۆيرۋس ينفەكسياسىنا قارسى ۆاكسينا سالدىردى.
«335 مەديسينا قىزمەتكەرىنىڭ ىشىندە 323 ادامعا ەكپە جاسالدى. بۇل جالپى كورسەتكىشتىڭ 96%-ىن قۇرايدى، قالعان قىزمەتكەرلەردە مەديسينالىق قارسى كورسەتكىشتەر بار»، - دەدى ازامات زايىروۆ.
№1 ەمحانانىڭ باس دارىگەرى گام-كوۆيد-ۆاك (سپۋتنيك-V) ۆاكسيناسىنىڭ ءبىرىنشى كومپونەنتىن 2 اقپاندا، ال ەكىنشى كومپونەنتتى 2021 جىلى 23 اقپاندا العانىن ايتتى. ازامات زايىروۆتىڭ ايتۋىنشا، جالپى السىزدىكتەن باسقا جاناما اسەرلەرى بولماعان ءارى ول ۇزاققا سوزىلماعان.
باس دارىگەر پوليكلينيكادا ەگۋ پروسەسى قالاي ۇيىمداستىرىلعانىن ايتتى.
«پروفيلاكتيكالىق ەگۋگە قارسى كورسەتىلىمدەرى جوق ادامدارعا ۆاكسينالانۋعا رۇقسات ەتىلەدى. ۆاكسينالاۋ الدىندا دەنە تەمپەراتۋراسىن ولشەۋ، ەپيدەميولوگيالىق انامنەز جيناۋ، قانىقتىلىقتى ولشەۋ، جۇرەك سوعۋ جيىلىگىن، قان قىسىمىن ولشەۋ، تىنىس الۋ جانە جۇرەك-قانتامىر جۇيەسىنىڭ اۋسكۋلتاسياسى مەن تاماقتى تەكسەرۋمەن مىندەتتى مەديسينالىق تەكسەرۋ جۇرگىزىلەدى. ەگەر تەمپەراتۋرا 37°C-تان اسسا، ۆاكسينا كەيىنگە قالدىرىلادى»، - دەدى ازامات زايىروۆ.
2021 جىلدىڭ اقپانىنان باستاپ ەمحانادا ءبىرىنشى كومپونەنتپەن 17 755 ادام، ەكىنشى كومپونەنتپەن 13 939 ادام ەگىلدى. بۇگىنگى كۇنى №1 ەمحانادا گام-كوۆيد-ۆاك جانە سينوفارم ۆاكسينالارى بار.
ازامات زايىروۆتىڭ ايتۋىنشا، ۆاكسينالاردىڭ ساپاسى مەن ولاردىڭ قاۋىپسىزدىگىنە الاڭداۋدىڭ قاجەتى جوق. الايدا، انتيۆاكسەرلەردىڭ سەنىمدەرىنە ساقتىقپەن قاراعان ءجون.
«حالىق اراسىندا انتيۆاكسەرلەر دەپ اتالاتىن كوۆيدتىك ديسسيدەنتتەر حالىقتىڭ 5%-ىنان اسپايدى. الايدا، ولاردىڭ شامادان تىس بەلسەندىلىگى مەن ءبىز جاقىندا عانا بايقاعانىمىزداي، اگرەسسيۆتى ارەكەتتەردىڭ ارقاسىندا ولار ەل نازارىن وزىنە اۋدارىپ، جۇرتشىلىقتىڭ بويىندا جالعان سەنىم تۋدىرۋعا تىرىسۋدا»، - دەدى ازامات زايىروۆ.
باس دارىگەردىڭ ايتۋىنشا، بۇگىندە الەمدە 99 ميلليوننان استام ادام زەرتحانالىق راستالعان كوروناۆيرۋس ينفەكسياسىن جۇقتىرعان. سوڭعى ۋاقىتتا الەمدە دەر ۋشىعىپ تۇر. قايتىس بولعاندار سانى وسۋدە. سوندىقتان ۆاكسينالانۋ قاجەت. سونىمەن قاتار، كوپتەگەن ەلدەردە ۆاكسيناسيا وتكەن جىلدىڭ سوڭىنان باستاپ جۇرگىزىلگەن. ونىڭ پايداسى وراسان زور.
«ارينە، ءبىز ۆاكسينالاۋدان سوڭ بىردەن وڭ اسەردى كۇتپەيمىز. ۆاكسينالاۋ ەكى كەزەڭدە جۇرگىزىلەدى. بۇل يممۋنيتەتتى نىعايتۋ ءۇشىن. ۇجىمدىق يممۋنيتەتتى قالىپتاستىرۋ ءۇشىن ەكپە سالدىرعاندار سانى ارتاۋ ءتۇسۋى ءتيىس. ءبىزدىڭ مىندەت – ەلدەگى ەپيدەميولوگيالىق جاعدايدى تۇراقتاندىرۋ، ءولىمنىڭ الدىن الۋ»، - دەدى ازامات زايىروۆ.
ول ۆاكسينانى تۇماۋ سياقتى ماۋسىمدىق اۋرۋلار باستالعانعا دەيىن جاساعان دۇرىس ەكەنىن ايتتى. بيىل دا بۇرىنعىداي تۇماۋعا قارسى ۆاكسيناسيا 1 قازاندا باستالادى. ول ەگۋ جوسپارى بويىنشا جۇرگىزىلەدى.
«جىل سايىن جەرگىلىكتى بيۋدجەتتەن ءقاۋىپ تونگەن حالىقتى تۇماۋعا قارسى ەكپەمەن قامتاماسىز ەتۋگە قاراجات بولىنەدى. ۆاكسيناسيا 2-3 تريمەستردەگى جۇكتى ايەلدەرگە، ءجيى اۋىراتىن بالالارعا، سوزىلمالى اۋرۋلارى بار ەرەسەكتەرگە، 65 جاستان اسقان ادامدارعا، سونداي-اق مەديسينا قىزمەتكەرلەرىنە جۇرگىزىلەدى»، - دەدى ازامات زايىروۆ.
قوعامدىق دەنساۋلىق باسقارماسىنىڭ مالىمەتىنشە، 30 تامىزداعى مالىمەت بويىنشا، الماتىدا 1 309 كوروناۆيرۋس ينفەكسياسىنىڭ جاعدايى تىركەلدى. ينفەكسيالىق ستاسيونارلاردا 5 551 ادام بار، ونىڭ ىشىندە 142 بالا. رەانيماسيادا 462 ادام بار، 69 ناۋقاس ءوجج اپپاراتىنا، 197 جۇقتىرعان ءينۆازيۆتى ەمەس ءوجج اپپاراتىنا، 201 ادام High flow اپپاراتىنا قوسىلعان.
بۇگىندە امسك مەن تەلەمەديسينا ورتالىعىنىڭ ءموبيلدى توپتارى 11 157 ناۋقاس ۇيلەرىندە باقىلاۋدا.
دەرت جۇقتىرعاندار سانى ارتۋدا، ال مەديسينا قىزمەتكەرلەرى ۆاكسينا ارقىلى ۇجىمدىق يممۋنيتەتتى قالىپتاستىرۋ ءۇشىن كۇرەسۋدە. الماتىدا وتكەن تاۋلىكتە ءبىرىنشى كومپونەنتپەن 2 050 ادام، ەكىنشى كومپونەنتپەن 3 832 ادام ەگىلدى.
بارلىعى 2021 جىلدىڭ 1 اقپانىنان 30 تامىزىنا دەيىنگى بارلىق كەزەڭدە الماتىدا ءبىرىنشى كومپونەنتپەن 867 286 ادام، ەكىنشىسىمەن 724 837 ادام ەگىلدى. ۆاكسينالانعان ادامداردىڭ جالپى سانىنان 60 جاستان اسقاندار 110 236 ادامدى قۇرايدى.