قورعانىس ءمينيسترىنىڭ قىزمەتتەن كەتۋ تۋرالى ءوتىنىشى قارالدى
مەملەكەت باسشىسى قاسىم-جومارت توقايەۆ قورعانىس ءمينيسترى نۇرلان ەرمەكبايەۆتىڭ قىزمەتتەن بوساتۋ جونىندەگى راپورتىن قاراستىرىپ، ونىڭ ءوتىنىشىن قابىلدادى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدە جازدى. ەسكە سالساق، بۇعان دەيىن ق ر قورعانىس ءمينيسترى نۇرلان ەرمەكبايەۆ وتستاۆكاعا ءوتىنىش بەرۋگە دايىن ەكەندىگى تۋرالى ايتقان بولاتىن.
«قازىرگى ۋاقىتتا باستى ماقساتىم - اپاتتىڭ سالدارىن تەز ارادا جويۋ. ال سىزدەردى وتستاۆكا ماسەلەسى قىزىقتىراتىن بولسا، وندا مەن وسى حاباردى ەستىگەننەن كەيىن ءبىرىنشى مينۋتتا ءوزىم ءۇشىن شەشىم قابىلدادىم. مەن وتستاۆكاعا ءوتىنىش بەرەمىن، وتستاۆكاعا جىبەرۋىن سۇرايمىن. ال قالعانىن جوعارعى باسشىلىق شەشەدى»، - دەدى نۇرلان ەرمەكبايەۆ.
ەستىرىڭىزگە سالا كەتەيىك، 26 تامىزدا ساعات شامامەن 19:00-دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىعىپ، جويقىن جارىلىس بولدى. سوڭعى مالىمەت بويىنشا، جامبىل وبلىسىنداعى جارىلىستان 14 قازا تاپقان.