ۇلت كوسەمى ءاليحان بوكەيحان تۋرالى رەسەيلىك تاريحشى كىتاپ جازىپ جاتىر

ۇلت كوسەمى ۇلىقتالۋدا.

ورىس عالىمى، تاريحشى ۆيكتور كوزودوي قازاقتىڭ ءبىرتۋار ۇلى، الاش ارداقتىسى ءاليحان بوكەيحان تۋرالى «ءداۋىر اياسىنداعى ساياسي پورترەت» اتتى كىتاپ جازىپ شىقتى، دەپ حابارلايدى Almaty-akshamy.kz. 24.kz-كە سىلتەمە جاساپ.

قازان ايىندا جارىق كورەتىن مونوگرافياعا بۇرىن ەش جەردە جاريالانباعان تىڭ مالىمەتتەر ەنگەن. مىڭ دانا بولىپ شىعارىلاتىن تۋىندىنى رەسەيلىك تاريحشى قازاقستان تاۋەلسىزدىگىنىڭ 30 جىلدىعىنا ارناعانىن ايتادى. كىتاپ ءىرى تاريحي ءارى ساياسي قايراتكەر ءاليحان بوكەيحاننىڭ ءومىر جولىن قامتىعان.

ۆيكتور كوزودوي ونىڭ ەسىمى قازاق جۇرتىنا كەڭىنەن تانىمال بولعانىمەن رەسەيلىكتەردىڭ بىلە بەرمەيتىنىن ايتادى. وسى ولقىلىقتىڭ ورىنىن تولتىرۋ ءۇشىن عىلىمي زەرتتەۋلەر جۇرگىزىپ، قاراپايىم تىلمەن مونوگرافيا جازىپ شىقتىم دەيدى ول.  

«بۇل قولجەتىمدى جانر، ءومىربايان بولعانىمەن عىلىمي زەرتتەۋلەرگە نەگىزدەلگەن. مەن رەسەي وقىرماندارىن جانە عىلىمي قوعامدى وسىنداي تۇلعامەن تانىستىرۋدى ماقسات ەتتىم. ول قازاقستان ءۇشىن دە، رەسەي ءۇشىن دە وتە ماڭىزدى رول اتقاردى. ءوز ەڭبەگىمدە ونىڭ ءبىر ەلدىڭ عانا ەمەس، سول داۋىردەگى تۇتاس يمپەريالىق، جال­پىۇلتتىق دەڭگەيدەگى ساياساتكەر ەكە­ءنىن كورسەتەمىن»، - دەدى رەسەيلىك تاريحشى ۆيكتور كوزودوي.

ۆيكتور كوزودوي ءاليحان بوكەيحان تۋرالى كىتاپ جازۋدى وسىدان ءۇش جىل بۇرىن قولعا العان.

ول كەزدە تاجىريبە الماسۋ ماقساتىندا پاۆلوداردىڭ جوعارعى وقۋ ورىندارىنىڭ بىرىندە ستۋدەنتتەرگە ءدارىس وقىپتى.