ق ر پرەمەر-مينيسترىنىڭ ورىنباسارى التاي كولگىنوۆ بيىلعى اتاۋلى داتالار جايىندا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بىلتىر عۇلاما عالىم، الاش قايراتكەرى احمەت بايتۇرسىن ۇلىنىڭ 150 جىلدىعى، زاڭعار جازۋشىمىز مۇحتار اۋەزوۆتىڭ 125 جىلدىعى مەملەكەتتىك دەڭگەيدە اتالىپ ءوتتى. وسى ءداستۇردى جالعاستىرا وتىرىپ، 2023 جىلعى اتاۋلى داتالاردى جوعارى دەڭگەيدە ۇيىمداستىرۋىمىز قاجەت»، - دەدى ا. كولگىنوۆ مادەنيەت مينيسترلىگىنىڭ القا ماجىلىسىندە.
وسى ورايدا ول بيىلعى اتاۋلى داتالار جايىندا اتاپ ءوتتى.
«بيىل داڭقتى بابامىز، ۇلى قولباسشى بەيبارىس سۇلتاننىڭ 800 جىلدىعىن، كورنەكتى مەملەكەت قايراتكەرى، ونەر سالاسىنىڭ دامۋىنا ولشەۋسىز ۇلەس قوسقان تەمىربەك جۇرگەنوۆتىڭ 125 جىلدىعىن اتاپ وتەمىز»، - دەدى ۇكىمەت باسشىسىنىڭ ورىنباسارى.