استانادا تۋريزم جانە سپورت مينيسترلىگى ۇيىمداستىرعان 2023 جىلدىڭ قورىتىندىسى بويىنشا «ۇزدىك» نوميناسياسىنىڭ سپورتشىلارىن سالتاناتتى ماراپاتتاۋ ءراسىمى ءوتتى. الماتى «ءۇزدىك سپورت ايماعى» اتاندى.
«جىلدىڭ ۇزدىك سەرپىءلىسى» نوميناسياسىندا الماتى قالاسى سپورت باسقارماسىنىڭ «مامانداندىرىلعان جوعارى شەبەرلىك مەكتەبى» مكقك سپورت مەكتەبىنىڭ تاربيەلەنۋشىسى ريزابەك ايتمۇحان ماراپاتتالدى. ال جىلدىڭ «ۇزدىك ناتيجە» نوميناسياسىنىڭ جەڭىمپازى - الماتىلىق گيمناست ميلاد كاريمي.
سونداي-اق، الماتى بوكس، گيمناستيكا، سپورتتىق گيمناستيكا، بايداركا، تاەكۆوندو، گرەك-ريم، ەركىن جانە ايەلدەر كۇرەسى جانە باسقا دا سپورت تۇرلەرى بويىنشا جىل ىشىندە وتكەن ق ر VI جازعى سپارتاكياداسىندا 1ء-شى ورىندى يەلەندى.
ايتا كەتەرلىگى، الماتىدا دەنەشىنىقتىرۋ جانە سپورتپەن شۇعىلدانۋ ءۇشىن 3703 سپورت عيماراتى بار. حالىقتىڭ 1000 ادامعا سپورتتىق ينفراقۇرىلىممەن قامتاماسىز ەتىلۋى 2023 جىلعى كورسەتكىش بويىنشا 40،5% - دى قۇرايدى.
اعىمداعى جىلى 2500-دەن استام سپورتتىق-بۇقارالىق ءىس-شارالار وتكىزىلدى، ونىڭ ىشىندە 305 000-نان استام ادامدى قامتىلعان 35 ءىرى حالىقارالىق ءىس-شارالار. الماتى مارافونى، ۆەلوجارىستار، سەمسەرلەسۋدەن ازيا چەمپيوناتى، ارمرەستلينگتەن الەم چەمپيوناتى، دزيۋدودان بەكەت ماحمۇتوۆتى ەسكە العان ازيا كۋبوگى، Alatau Run-2023 ءۇش ءپان بويىنشا تاۋ جارىسى، قالالىق جانە ەكسترەمالدى سپورت تۇرلەرى بويىنشا جىل سايىنعى فەستيۆالى، Almaty City Games 2023 جالپىقالالىق سپورت ويىندارى، FIBA 3*3 Asia Zone Qualification، ەستەتيكالىق گيمناستيكادان الەم چەمپيوناتى، كاراتە جانە كاراتە كيوكۋشينكايدان ازيا چەمپيوناتى، ءتۇرلى سپورت تۇرلەرىنەن ق ر چەمپيوناتتارى.