الماتىدا قالا اكىمى ەربولات دوسايەۆتىڭ تاپسىرماسى بويىنشا «قاۋىپسىزدىكتىڭ كەشەندى جۇيەسى» جوباسىن ىسكە اسىرۋ اياسىندا 186 بالاباقشاعا جابدىقتار ورناتۋ جۇمىستارى جۇرگىزىلدى.
اتاپ ايتقاندا، 8 638 بەينەباقىلاۋ جۇيەسى ورناتىلدى، ونىڭ ىشىندە 7062 - ىشكى، 1576 – سىرتقى. سونداي-اق، بارلىق بالاباقشالار الماتى قالاسى پوليسيا دەپارتامەنتىنىڭ جەدەل باسقارۋ ورتالىعىنا (جبو) سيگنال بەرۋ مۇمكىندىگى بار ورتكە قارسى قاۋىپسىزدىك جۇيەسىمەن جابدىقتالعان، دەپ حابارلايدى اlmaty-akshamy.kz.
مەملەكەتتىك مەنشىك نىسانىنداعى مەكتەپكە دەيىنگى ءبىلىم بەرۋ ۇيىمدارىن باقىلاۋ جۇيەلەرىمەن (دوموفوندارمەن)، بەينەباقىلاۋ كامەرالارىمەن، دابىل تۇيمەلەرىمەن جانە ورتكە قارسى قاۋىپسىزدىكتىڭ كەشەندى جۇيەلەرىمەن جاراقتاندىرۋ جۇمىستارى ورىندالدى. وعان 2023 جىلى 610 178 ملن. تەڭگە ءبولىندى.
2023 جىلدىڭ جەلتوقسان ايىنىڭ باسىنان بەرى مەكتەپتەردە ورتالىق باسقارۋ ورتالىعىنا قوسىلعان بارلىق بەينەباقىلاۋ كامەرالارى مەن دابىل تۇيمەلەرىن جاڭارتۋ جۇمىستارى باستالدى. بۇگىنگى تاڭدا 131 مەكتەپتە جاڭارتۋ جۇمىستارى اياقتالىپ، 77 مەكتەپتە جالعاسۋدا. سونداي-اق 214 مەكتەپتە بارلىق قاۋىپسىزدىك جۇيەلەرىن جاڭارتۋ جوسپارلانعان. 12 475 بەينەباقىلاۋ كامەراسى مەن 214 دابىل تۇيمەلەرىن ورناتۋ جوسپارلانۋدا. سيگنالدى تىكەلەي جەدەل باسقارۋ ورتالىعىنا جىبەرۋ مۇمكىندىگىنە يە بولاتىن ءورت قاۋىپسىزدىگى جۇيەلەرى دە ورناتىلادى. سونداي-اق بەت-الپەتتى تانۋ مۇمكىندىگى بار 415 تۋرنيكەت ورناتىلادى.
بۇلاردان باسقا، 15 ينتەرنات مەكەمەلەرى 277 بەينەباقىلاۋ جۇيەسىمەن جابدىقتالعان. ونىڭ ىشىندە: 184ء-ى ىشكى، 93ء-ى سىرتقى. الماتى پوليسيا دەپارتامەنتىنىڭ جەدەل باسقارۋ ورتالىعىنا 95 كامەرا قوسىلدى. 15 ينتەرناتتا دابىل تۇيمەلەرى ورناتىلعان. 15 مەكتەپ-ينتەرناتتىڭ 8-دە مامانداندىرىلعان كۇزەت قىزمەت كورسەتەدى.
قالا كوللەدجدەرى دە قاۋىپسىزدىك جۇيەسىمەن جابدىقتالعان. ماسەلەن، 20 كوللەدجدە 1503 بەينەباقىلاۋ جۇيەسى ورناتىلعان. ونىڭ ىشىندە: 1064ء-ى ىشكى، 439-ى سىرتقى. بۇل رەتتە الماتى پوليسيا دەپارتامەنتىنىڭ جەدەل باسقارۋ ورتالىعىنا 126 كامەرا قوسىلعان. دابىل تۇيمەلەرى مەن تۋرنيكەتتەر دە ورناتىلدى جانە بارلىق 20 كوللەدجگە ارنايى كۇزەت قىزمەت كورسەتەدى.
سونداي-اق 17 مەكتەپتەن تىس مەكەمەدە 436 بەينەباقىلاۋ جۇيەسى ورناتىلعان. ونىڭ ىشىندە: 239-ى ىشكى، 197ء-سى سىرتقى. بۇل رەتتە الماتى پوليسيا دەپارتامەنتىنىڭ جەدەل باسقارۋ ورتالىعىنا 233 كامەرا قوسىلعان. 25 دابىل تۇيمەسى ورناتىلعان. 7 مەكتەپتەن تىس مەكەمەگە تۋرنيكەت ورناتىلدى. بارلىق 17 مەكتەپتەن تىس مەكەمەگە مامانداندىرىلعان كۇزەت قىزمەت كورسەتەدى.
جوعارىدا اتالعان بارلىق مەملەكەتتىك ءبىلىم بەرۋ ۇيىمدارىنىڭ جازبانى 30 كۇن بويى ساقتاي الاتىن بەينەباقىلاۋ جانە قاۋىپسىزدىك جۇيەلەرىمەن 100% قامتاماسىز ەتىلگەنىن اتاپ ءوتۋ ماڭىزدى.