قالانىڭ الەۋمەتتىك-ەكونوميكالىق دامۋى تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا الماتى قالاسى اكىمىنىڭ ورىنباسارى ولجاس سماعۇلوۆ مالىمدەدى، دەپ حابارلايدى aqshamnews.kz
ونىڭ ايتۋىنشا، الماتى قارقىندى دامۋ ۇستىندە. ەكونوميكالىق ءوسىمنىڭ نەگىزگى درايۆەرلەرى رەتىندە قۇرىلىس، كولىك جانە لوگيستيكا، وڭدەۋ ونەركاسىبى اتالدى. سونىمەن قاتار، ساۋدا مەن بايلانىس قىزمەتتەرىنىڭ كولەمى دە ارتىپ كەلەدى.
ولجاس سماعۇلوۆتىڭ ايتۋىنشا، مۇنداي ناتيجەلەر جوعارى ىسكەرلىك بەلسەندىلىكتىڭ، ينۆەستورلار سەنىمىنىڭ ارتۋىنىڭ جانە سالىق تۇسىمدەرىنىڭ تۇراقتىلىعىنىڭ ارقاسىندا مۇمكىن بولىپ وتىر.
2025 جىلى الماتىدا قالانىڭ جاڭا ەكونوميكالىق ينفراقۇرىلىمىن قالىپتاستىراتىن ءبىرقاتار ءىرى جوبالار جۇزەگە اسىرىلدى:
• Haval، Chery، Changan ماركالارىنداعى كوپبرەندتى اۆتوزاۋىت – ينۆەستيسيا كولەمى 203 ملرد تگ، جىلدىق قۋاتتىلىعى 120 مىڭ اۆتوموبيل. 2025 جىلدىڭ شىلدەسىندە ىسكە قوسىلدى؛
• «Almaty Museum of Arts» – زاماناۋي مادەني ورتالىق (اۋماعى 10 مىڭ شارشى مەتر، ينۆەستيسيا كولەمى 56 ملرد تگ)، قىركۇيەك ايىندا اشىلدى؛
• Open Healthcare KZ مەديسينالىق ورتالىعى – ينۆەستيسيا 13 ملرد تگ، جىلىنا 9 مىڭ ناۋقاسقا قىزمەت كورسەتۋگە ەسەپتەلگەن، قىركۇيەك ايىندا اشىلدى.
بۇل جوبالار اياسىندا جاڭا ينفراقۇرىلىم قۇرىلىپ، 1،5 مىڭنان استام جاڭا جۇمىس ورنى اشىلدى.