بۇگىن قازاقستان رەسپۋبليكاسىنىڭ پرەزيدەنتى جانىنداعى ورتالىق كوممۋنيكاسيالار قىزمەتىندە الماتى قالاسىنىڭ اكىمى ەربولات دوسايەۆ الماتى قالاسىنىڭ جىل باسىنان بەرگى الەۋمەتتىك-ەكونوميكالىق دامۋى جايىندا ەسەپ بەرىپ جاتىر.
بيىلعى جىلدىڭ 5 ايىندا مەگاپوليس ەكونوميكاسى قارقىندى تۇردە ءوستى، دەپ حابارلايدى Almaty-akshamy.kz.
«قىسقا مەرزىمدى ەكونوميكالىق ينديكاتور 122،2%-كە دەيىن جەدەلدەدى. جىلدىق ينفلياسيانىڭ باياۋلاۋى اياسىندا ىسكەرلىك بەلسەندىلىك يندەكسى 58،7 پروسەنتتىك تارماققا دەيىن جەدەلدەدى (اباي وبلىسىنان كەيىنگى II ورىن - 58،8). سالىستىرمالى تۇردە ايتقاندا، 2022 جىلى قىسقا مەرزىمدى ەكونوميكالىق ينديكاتور – 106،7%، ق ر – 103،5%، ىسكەرلىك بەلسەندىلىك يندەكسى 51،0»، -دەدى قالا اكىمى.
ساۋدا سالاسى +27،2%، وڭدەۋ ونەركاسىبى +24،4%، كولىك جانە قويمالاۋ +16،7% ەكونوميكا ءوسىمىنىڭ درايۆەرلەرى بولدى. نەگىزگى كاپيتالعا 484 ملرد. تەڭگە ينۆەستيسيا تارتىلعان. بۇل رەتتە، جەكە ينۆەستيسيالار 2،7%-كە وسكەن.
«ەڭبەك نارىعىنداعى جاعداي تۇراقتى. وسى جىلدىڭ باسىنان بەرى 29،4 مىڭ جۇمىس ورنى اشىلدى، ونىڭ 60%ء-تى تۇراقتى (17،6 مىڭ). 2023 جىلدىڭ قورىتىندىسى بويىنشا قالا ەكونوميكاسىنىڭ ءوسۋى 5–5،5% دەڭگەيىندە باعالانادى، ال 2022 جىلى جالپى وڭىرلىك ءونىم – 19 066،6 ملرد. تەڭگە، ياعني ءوسىم – 5،1% تەڭ بولعان»، - دەدى ە.دوسايەۆ.