جۇڭگو حالىق رەسپۋبليكاسىنا جۇمىس ساپارى اياسىندا الماتى اكىمى ەربولات دوسايەۆ بەيجىڭ قالالىق جوسپارلاۋ ورتالىعىنا - قازىرگى زامانعى قالا قۇرىلىسى جانە قالانى دامىتۋ قاعيداتتارىن كورسەتەتىن بىرەگەي مەكەمەگە باردى.
ەربولات دوسايەۆ ەكولوگيا، قالا قۇرىلىسى ماسەلەلەرىمەن، بەيجىڭنىڭ 2016-2035 جىلدارعا ارنالعان باس جوسپارىنىڭ قالالىق اۋماقتاردى يگەرۋگە جانە ولاردى ءبىرىڭعاي اگلومەراسياعا ينتەگراسيالاۋعا جۇيەلى كوزقاراستى كورسەتەتىن نەگىزگى اسپەكتىلەرىمەن تانىستى، دەپ حابارلايدى aqshamnews.kz.
الماتى اكىمى الماتى جانە بەيجىڭ قالالارىن دامىتۋداعى جاڭا تاسىلدەردىڭ پوليورتالىقتىق دامۋ بولىگىندەگى ۇقساستىعىن اتاپ ءوتتى. جۇڭگو استاناسىندا پوليورتالىقتار New Town دەپ اتالادى. مۇنداي تاسىلدەر ىڭعايلى تۇرۋدى، ينفراقۇرىلىمدى تەڭگەرىمدى دامىتۋدى جانە ەكولوگيالىق تەپە-تەڭدىكتى ساقتاۋدى قامتاماسىز ەتە وتىرىپ، جۇكتەمەنى ورتالىق، اۋداندار جانە اگلومەراسيا اراسىندا بولۋگە مۇمكىندىك بەرەدى.
«بەيجىڭدەگى قالا قۇرىلىسى ورتالىعى جاي عانا كورمە ەمەس، بۇل جاھاندىق ۇدەرىستەرگە ساي قالانىڭ قالاي داميتىنى تۋرالى جاندى كورىنىس. ءبىز قالامىزدىڭ تۇراقتى دامۋىن قامتاماسىز ەتە وتىرىپ، ۇزدىك تاجىريبەلەر مەن يدەيالاردى الماتىدا قولدانۋعا مۇددەلىمىز»، - دەپ اتاپ ءوتتى ەربولات دوسايەۆ.