الماتىنىڭ «قايرات» فۋتبول كلۋبى ساۋدا ورتالىقتارىنىڭ بىرىندە كلۋبتىڭ كاسىبي كوماندالارىنىڭ جاڭا ماۋسىمعا ارنالعان قۇرامىن تانىستىردى.
وعان جۇزدەگەن جانكۇيەر كەلگەن، دەپ حابارلايدى aqshamnews.kz.
كلۋبتىڭ باسپا ءسوز قىزمەتىنىڭ مالىمەتىنشە، باقىلاۋ كەڭەسىنىڭ ءتوراعاسى قايرات بورانبايەۆ چەمپيوندىق تيتۋلدى قورعاۋ، ەۋروكۋبوكتاردىڭ نەگىزگى كەزەڭىنە شىعۋ، قازاقستان كۋبوگى مەن ليگا كۋبوگى ءۇشىن كۇرەسۋ دەگەن سياقتى باستى ماقساتتاردى اتاپ ءوتتى. ول سونداي-اق اكادەميانىڭ جەتىستىكتەرىن، سونىڭ ىشىندە داستان ساتپايەۆتىڭ «چەلسيگە» اۋىسقانىن ەرەكشە اتاپ ءوتتى.
جانكۇيەرلەرگە كلۋبتىڭ ماۋسىمداعى ماقساتتارى تۋرالى ۆيدەوروليك كورسەتىلىپ، كەيىن اكادەميا تۇلەكتەرىنەن قۇرالعان كاسىبي ايەلدەر كومانداسى تانىستىرىلدى. سوسىن نەگىزگى قۇرام ويىنشىلارى، باپكەرلەر شتابى مەن كلۋب قىزمەتكەرلەرى ساحناعا شىقتى، - دەلىنگەن مالىمەتتە.
ءىس-شارا سوڭىندا جانكۇيەرلەر ءۇشىن قولتاڭبا سەسسياسى ۇيىمداستىرىلدى. ولار ويىنشىلارمەن سۋرەتكە ءتۇسىپ، قولتاڭبا الدى. سونىمەن قاتار قايرات بورانبايەۆ، رافاەل ۋرازباحتين، ماريا يالوۆا مەن ادىلەت سادىبەكوۆ قاتىسقان باسپا ءسوز ماسليحاتى ءوتتى.