15 ءساۋىردىڭ كەشىنەن 17 ءساۋىردىڭ تاڭىنا دەيىن الماتى قالاسىندا ءۇزىلىسسىز جاڭبىر تۇرىندە جاۋىن-شاشىن بولادى دەپ كۇتىلۋدە.
قالانىڭ كوممۋنالدىق قىزمەتتەرى قالانىڭ سۋ بۇرۋ جۇيەلەرىن الدىن الا تەكسەرەدى، سۋ قابىلداۋ تورلارىن، ارىق جۇيەلەرى مەن قۇدىقتاردى تازارتۋ جۇمىستارىن جۇرگىزەدى، دەپ حابارلايدى Almaty-akshamy.kz الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسىنا سىلتەمە جاساپ.
ارىق جەلىلەرى مەن ارىق وتكەلدەرىن تازالاۋ بويىنشا جوسپارلى جۇمىستارعا 320 جۇمىسشى جانە 88 بىرلىك ارنايى تەحنيكا جۇمىلدىرىلدى. كۇن سايىن ارىق جەلىسىنەن شامامەن 250 م3 سمەتا، لاي جانە قوقىس شىعارىلادى.
سۋ باسۋدىڭ الدىن الۋ جانە جەكەلەگەن ۋچاسكەلەردە سۋدىڭ كەدەرگىسىز ءوتۋىن قامتاماسىز ەتۋ ءۇشىن جاۋىن-شاشىن كەزىندە موتوپومپالارمەن، باگرلەرمەن جانە باسقا دا قاجەتتى قۇرالدارىمەن جابدىقتالعان 52 جەدەل ءموبيلدى بريگادانىڭ كەزەكشىلىگى ۇيىمداستىرىلاتىن بولادى جانە 2،3 مىڭ قاپ قۇم دايىندالدى.
تۇنگى كەزەڭدە 236 بىرلىك ارنايى تەحنيكانى، 28 موتوپومپانى جانە 215 جول جۇمىسشىسىن تارتۋ جوسپارلانۋدا. قاجەت بولعان جاعدايدا قوسىمشا 150 بىرلىك تەحنيكا مەن 200 جۇمىسشى جۇمىلدىرىلادى.
اۋا-رايىنىڭ بۇزىلۋ سالدارىنان جۇرگىزۋشىلەر اعاشتاردىڭ قۇلاۋ ءقاۋپى مەن ەلەكتر جەلىلەرىنىڭ ۇزىلۋىنە بايلانىستى اۆتوموبيلدەردى جول جيەكتەرىنە قويماعاندارى ءجون. سۋ باسىپ قالۋدىڭ الدىن الۋ ءۇشىن قالا تۇرعىندارىنان ارىقتاردى، نوسەر اعىندارى مەن كانالداردى قالدىقتارمەن بىتەپ تاستاماۋدى سۇرايمىز. سۋ باسقان نەمەسە ۋاقىتشا سۋ جينالعان جاعدايدا اۋدان اكىمدىكتەرىنە حابارلاۋعا نەمەسە +7 706 689 8898. what's app نومىرىنە حابارلاما جازۋعا بولادى.