وتا ءساتتى ءوتتى.
الماتىلىق دارىگەرلەر جامباس سۇيەگى سىنعان 80 جاستاعى ناۋقاسقا وتا جاسادى، دەپ حابارلايدى Almaty-akshamy.kz Almaty.tv سىلتەمە جاساپ.
وقكا باسپا ءسوز قىزمەتىنىڭ مالىمەتىنشە، ورتالىق قالالىق كلينيكالىق اۋرۋحاناعا ناۋقاس جامباس سۇيەگى سىنىپ تۇسكەن. قابىلداۋ بولىمشەسىندە ناۋقاستان كوروناۆيرۋس انىقتالىپ، دارىگەرلەر 2 اپتا بويى كۆي ەمدەۋ بويىنشا ەم جۇرگىزگەن.
تراۆماتولوگ-دارىگەر قانات تولەۋدىڭ ايتۋىنشا، اجەنىڭ جاراقاتى اۋىر بولعاندىقتان، سول ساتتە بىردەن وتا جاساۋ ءقاۋىپتى بولدى.
«جاسى كەلگەن كىسى بولعاندىقتان، جامباسىنا وپەراسيا جاساۋ وتە ءقاۋىپتى بولدى. سەبەبى ناۋقاستان كۆي تابىلدى. سونىمەن قاتار تەكسەرۋ بارىسىندا باسقا دا اۋرۋ بەلگىلەرى انىقتالدى. سوندىقتان ءبىز ەڭ الدىمەن وتا الدىنداعى دايىندىقتى جۇرگىزىپ بارىپ، وپەراسيا جاسادىق»، - دەدى قانات تولە.
تراۆماتولوگتىڭ ايتۋىنشا، وتا ءساتتى وتكەن. ناۋقاس وپەراسيادان كەيىنگى وڭالتۋدان سوڭ 10 كۇننەن كەيىن ءوز بەتىمەن قوزعالىپ جۇرە باستادى. قازىرگى كەزدە زەينەتكەردىڭ جاعدايى جاقسى.