الماتى قالاسىنىڭ №15 ەمحاناسىنىڭ دارىگەرى ءمولدىر اكىمجان وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا بيىلعى جىلى بالالار مۋتاسيالانعان «دەلتا»-نۇسقانىڭ پايدا بولۋىنا بايلانىستى كوروناۆيرۋسپەن ءجيى اۋىرا باستاعانىن اتاپ ءوتتى دەپ حابارلايدى almaty-akshamy.kz
سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە، وتكەن جىلى الماتىدا 281 وقۋشى جۇقتىرعان، بۇل كورسەتكىش 15 039-عا جەتتى. كوپتەگەن جاعدايلاردا ينفەكسيا جۇقتىرۋ وتباسىلاردا ورىن الادى – 22% جاعداي.
- بالالار ەرەسەكتەرگە، قارتتارعا ۆيرۋس جۇقتىرادى، ولار ءۇشىن ۆيرۋس وتە ءقاۋىپتى. سونداي-اق، كەز-كەلگەن ينفەكسيا ءبىر جاسقا دەيىنگى سابيلەرگە ءقاۋىپ توندىرەدى. سوندىقتان، ەگەر وتباسىندا كىشكەنتاي بالا بولسا، ونى اينالاسىنداعىلاردىڭ ءبارى COVID-19-عا قارسى ەگىلگەنى ءجون. كوروناۆيرۋس بالالاردا ءجيى اۋىر بولاتىنىن ءتۇسىنۋ كەرەك. پاندەميا باستالعاننان بەرى الەمدە 9 مىڭ بالا قايتىس بولدى، - دەدى دارىگەر.
پەدياتر بالالاردا پوستكوۆيدتىك سيندروم ەرەسەكتەردە سياقتى جۇرەدى دەپ قوستى. اۋرۋ كەزىندە كەيبىر بالالاردا اسقىنۋلار بولۋى مۇمكىن، مىسالى، كوپ جۇيەلى قابىنۋ سيندرومى، ۇزاققا سوزىلعان جوعارى تەمپەراتۋرا.
دارىگەر ۆاكسينالانعان ادامداردىڭ سانى نەعۇرلىم كوپ بولسا، ۆيرۋستىڭ تارالۋى مەن مۋتاسيا ىقتيمالدىعى از بولاتىندىعىنا سەنىمدى. «دەلتا» - بالالارعا باستاپقى «ۋحان» ۆيرۋسىنا قاراعاندا ءجيى شابۋىل جاسايدى.
ءمولدىر اكىمجان سوزىلمالى اۋرۋلارى بار بالالاردى ۆاكسينالاۋ وتە ماڭىزدى ەكەنىن ايتتى.
بۇگىندە قوعامدىق دەنساۋلىق باسقارماسىنىڭ مالىمەتىنشە، الماتىدا 2 947 ءجاسوسپىرىم ۆاكسينالاندى.