1 074 جاڭا جۇمىس ورنى اشىلدى.
Almaty Business–2025 ايماقتىق باعدارلاماسى قۇرىلعاننان بەرى 16،7 ملرد تەڭگەنىڭ 228 جوباسى قارجىلاندىرىلدى. ونىڭ ىشىندە 13،6 ملرد تەڭگە سوماسىنا 56 جوبا «Almaty Finance» جشس-دە جانە 3،1 ملرد تەڭگەگە 172 جوبا «Almaty» جشس-دە قارجىلاندىرىلدى. بيزنەستى جەڭىلدىكپەن نەسيەلەندىرۋدىڭ ارقاسىندا الماتىدا 1 074 جاڭا جۇمىس ورنى اشىلدى. بەرىلگەن قارىزداردىڭ 80%-دان استامى باسىم باعىتتارعا – الەۋمەتتىك سالاعا، ونەركاسىپكە جانە كرەاتيۆتى ەكونوميكاعا تيەسىلى، دەپ حابارلايدى Almaty-akshamy.kz.
2022 جىلى «Almaty Business-2025» باعدارلاماسى اياسىندا 1300-دەن استام جاڭا جۇمىس ورىندارىن قۇرىپ، 330 جۇمىس ورنىن ساقتاي وتىرىپ، 160-تان استام جاڭا جوبانى ماقۇلداۋ جانە بەرۋ جوسپارلانۋدا. سونداي-اق بيۋدجەتكە تۇسەتىن قوسىمشا تۇسىمدەردىڭ سالىق سالىناتىن بازاسى جىلىنا كەمىندە 1،5 ملرد تەڭگەگە ۇلعايتىلاتىن بولادى.
سونىمەن قاتار، «Almaty Business-2025» باعدارلاماسى اياسىندا 669 جاڭا جۇمىس ورنىن قۇرۋمەن جالپى ينۆەستيسيالار سوماسى 1،5 ملرد تەڭگەگە 8 وندىرىستىك پارك ىسكە قوسىلدى. 2022 جىلى يندۋستريالدى ايماقتا جالپى ينۆەستيسيا سوماسى 2،1 ملرد تەڭگە بولاتىن، 380 جۇمىس ورنى اشىلاتىن 5 ونەركاسىپتىك پاركتى ىسكە قوسۋ جوسپارلانعان؛ كەلەسى جىلدارى جالپى سوماسى 2،7 ملرد تەڭگە بولاتىن، 710 جۇمىس ورنىن اشىلاتىن 4 جوبانى ىسكە قوسۋ جوسپارلانعان.
بولىنگەن قارجىلاندىرۋدىڭ شامامەن 70%-ى ىسكەرلىك بەلسەندىلىگى تومەن جانە ورتا اۋدانداردا (الاتاۋ، اۋەزوۆ، جەتىسۋ، ناۋرىزباي، تۇركسىب اۋداندارى) بيزنەستى قولداۋعا باعىتتالدى. قوسىمشا، «الماتى» اكك» اق قۇرالدارى ارقىلى 1 مىڭ جۇمىس ورنىن قۇرۋمەن 18 ءىرى جوبا (8 الەۋمەتتىك جانە 10 كوممەرسيالىق) ىسكە اسىرىلدى، 95،8 ملرد تەڭگە ينۆەستيسيا تارتىلدى.
بيزنەسكە قارجىلاي ەمەس قولداۋ كورسەتۋ بويىنشا 2021 جىلى «Qoldaý» كاسىپكەرلىك ورتالىعىندا 44،5 مىڭنان استام كونسۋلتاسيالىق قىزمەت كورسەتىلدى، مەملەكەتتىك جانە وڭىرلىك باعدارلامالار بويىنشا قارجىلاندىرۋعا دەيىن جالپى سوماسى 7،9 ملرد تەڭگەگە 225 جوبا ماقۇلداندى، 370 جوبا رۇقسات قۇجاتتارىن الدى، 941 بيزنەس-جوسپار ازىرلەندى، كاسىپكەرلىك نەگىزدەرىنە 10 مىڭنان استام تىڭداۋشى وقىتىلدى.
انىقتاما: الماتى قالاسى ءماسليحاتىنىڭ 2019 جىلعى 13 جەلتوقسانداعى № 419 شەشىمىمەن بەكىتىلگەن «Almaty Business-2025» كاسىپكەرلىكتى دامىتۋدىڭ وڭىرلىك باعدارلاماسى.