«الماتى» اكك» اق-نىڭ ەنشىلەس ۇيىمى — «مقۇ «Almaty» ج ش س 2025 جىلى «Almaty Business – 2025» وڭىرلىك كاسىپكەرلىكتى دامىتۋ باعدارلاماسى اياسىندا الماتىنىڭ شاعىن جانە ميكرو بيزنەسىنە 72 جەڭىلدەتىلگەن نەسيە بەردى.
جاڭادان باستاعان جانە جۇمىس ىستەپ تۇرعان كاسىپكەرلەر بيزنەسىن دامىتۋ ءۇشىن جىلدىق 2% جانە 6% جەڭىلدەتىلگەن مولشەرلەمەمەن قارجى الدى، - دەپ حابارلايدى Aqshamnews.kz.
وتكەن جىلى بەرىلگەن نەسيەلەردىڭ جالپى كولەمى 3،2 ملرد تەڭگەدەن استى. ءبىر قارىز الۋشىعا بەرىلەتىن قارجىلاندىرۋ ءليميتى 78،64 ملن تەڭگە، ال ەڭ جوعارى نەسيەلەۋ مەرزىمى 7 جىل بولدى.
سالالىق تۇرعىدا ەڭ كوپ قارجىلاندىرىلعان جوبالار ءوندىرىس جانە قايتا وڭدەۋ سالاسىنا تيەسىلى — بۇل بارلىق قولداۋ تاپقان جوبالاردىڭ 32%-ى. سونداي-اق، حالىققا قىزمەت كورسەتۋ سالاسىنداعى جوبالار – 24% جانە دەنساۋلىق ساقتاۋ – 21% بولدى. بۇدان كەيىن ءبىلىم بەرۋ – 8%، كرەاتيۆتى ەكونوميكا – 7%، سونداي-اق تۋريزم مەن سپورت – ءارقايسىسى 4% بولدى.
«Almaty Business – 2025» باعدارلاماسى 2019 جىلى ىسكە قوسىلعالى بەرى «مقۇ «Almaty» الماتىدا جالپى سوماسى 16،5 ملرد تەڭگە بولاتىن 659 جوبانى قارجىلاندىردى. اسىرەسە، ەڭ ۇلكەن قولداۋ وندىرىستىك جوبالارعا – 29% جانە دەنساۋلىق ساقتاۋ سالاسىنداعى جوبالارعا – 16% باعىتتالدى. قارجىلاندىرۋدىڭ تاعى 10%-ى الەۋمەتتىك كاسىپكەرلىككە تيەسىلى، بۇل جوبالار جىلدىق 2% ەڭ تومەنگى جەڭىلدەتىلگەن مولشەرلەمەمەن نەسيە الدى.
اۋماقتىق بولىنىستە ەڭ كوپ جوبا بوستاندىق اۋدانىندا قولداۋ تاپتى — 141 نەسيە. ودان كەيىن الاتاۋ اۋدانى — 110، المالى — 88، مەدەۋ — 80، اۋەزوۆ — 77، ناۋرىزباي — 67، جەتىسۋ — 49 جانە تۇركسىب — 47.
مفو «Almaty»ء-دىڭ جەڭىلدەتىلگەن نەسيەلەۋ باعدارلاماسى اياسىندا قالادا شامامەن 3 000 جاڭا جۇمىس ورنى قۇرىلدى. سونىمەن قاتار، باعدارلاما بويىنشا قارىز الۋشىلار بيزنەسىن دامىتۋ ەسەبىنەن بيۋدجەتكە شامامەن 3 ملرد تەڭگە سالىق تولەدى.
قازىرگى ۋاقىتتا «Almaty Business» باعدارلاماسىن ۇزارتۋ ماسەلەسى قاراستىرىلىپ جاتىر. بۇل تۋرالى قوسىمشا حابارلانادى.