«قازاقستاننىڭ اۆتوكولىك وداعى» (قاو) 2025 جىلدىڭ قورىتىندىسىن جاريالادى. وتكەن جىلى ەلدە 234 852 اۆتوموبيل ساتىلىپ، بۇل كورسەتكىش 2024 جىلمەن سالىستىرعاندا 14،4%-عا ارتتى، - دەپ حابارلايدى Aqshamnews.kz ءتىلشىسى.
قاو دەرەكتەرىنە سايكەس، ەڭ تانىمال توپ-10 اۆتوكولىك مودەلىنىڭ بارلىعى قازاقستاندا وندىرىلگەن. بۇل وتاندىق اۆتونارىقتىڭ دامىپ كەلە جاتقانىن كورسەتەدى.
ساتىلىم كولەمى بويىنشا كوشباسشىلىقتى Hyundai ماركاسى ساقتاپ قالدى – 50 868 اۆتوموبيل (+15،4%). ەكىنشى ورىندا Chevrolet – 38 880 اۆتوموبيل (+25،7%)، ال ءۇشىنشى ورىندا Kia – 23 402 اۆتوموبيل (+1،5%).
ودان كەيىنگى ورىنداردا:
-
Chery – 14 570 اۆتوموبيل (–2،1%)،
-
Jetour – 14 507 (+52،6%)،
-
Haval – 11 688 (+6،4%)،
-
Toyota – 11 338 (+2،7%) ورنالاسقان.
نارىقتاعى بارلىق ساتىلىمنىڭ 80%-ى ءىرى ون اۆتوكومپانيانىڭ ۇلەسىنە تيەسىلى. ال قىتايلىق ماركالاردىڭ نارىقتاعى ۇلەسى وتكەن جىلعى دەڭگەيدە ساقتالىپ، 39% بولدى.
سونىمەن قاتار، ەڭ تانىمال ءۇش مودەلدىڭ كوشباسشىلارى وزگەرگەن جوق. 2025 جىلى قازاقستاندىقتار ەڭ كوپ تاڭداعان اۆتوكولىكتەر:
-
Chevrolet Cobalt – 31 802،
-
Hyundai Tucson – 20 697،
-
Kia Sportage – 10 988.
ايتا كەتەيىك، بۇل كورسەتكىشتەر ەلدەگى اۆتونارىقتىڭ تۇراقتى ءوسىمىن جانە وتاندىق ءوندىرىستىڭ ماڭىزىن ايقىندايدى.