الماتىدا «الماتى – ءبىزدىڭ ورتاق ءۇيىمىز» ناۋقانى اياسىندا قالا اۋداندارىندا ورىندىقتار مەن قوقىس جاشىكتەرى سىرلانا باستادى، ال كەي اۋداندا قوقىس جاشىكتەرىن ءىشىنارا اۋىستىرۋ كوزدەلگەن. بارلىعى 6438 ورىندىق پەن 12627 قوقىس جاشىگى بويالىپ، 500-ى اۋىستىرىلادى، دەپ حابارلايدى اlmaty-akshamy.kz.
مەدەۋ اۋدانىندا ورىندىقتار مەن قوقىس جاشىكتەرىن 8 ساۋىردە كۇنى بويى سىرلاۋ جوسپارلانعان. ەسەنتاي وزەنىنىڭ جاعاسىندا، جامبىل بۋلۆارىندا، نازاربايەۆ داڭعىلىنىڭ شىعىس جاعىنداعى سكۆەردە، قابانباي باتىر مەن بوگەنباي باتىر اراسىندا جانە «درۋجبا» سكۆەرىندە ورىندىقتار مەن قوقىس جاشىكتەرى سىرلانادى. بارلىعى 228 ورىندىق پەن 228 قوقىس جاشىگىن بوياۋ جوسپارلانىپ وتىر. بۇل جۇمىسقا 50 ادام تارتىلدى.
بوستاندىق اۋدانىندا ەكى اپتا بويى اۋدان اۋماعىندا، كوشە بويىندا، ساياباقتاردا، سكۆەرلەردە جانە ت.ب. جەرلەردەگى بۋلۆارلاردا ورنالاسقان 2 152 ورىندىق پەن 3 813 قوقىس جاشىگىن سىرلاۋ جۇمىستارىن جۇرگىزۋ جوسپارلانعان. بۇعان بارلىعى 12 بريگادا، 53 جۇمىسشى جۇمىلدىرىلدى.
المالى اۋدانىندا ءساۋىر ايىنىڭ سوڭىنا دەيىن 100-گە جۋىق ادام مەن 9 بىرلىك تەحنيكانى جۇمىلدىرىپ، 4222 قوقىس جاشىگى مەن 1758 ورىندىق سىرلانادى. ولار گوگول كوشەسىندە، ماقاتايەۆ اتىنداعى سكۆەردە جانە سيەۆەرنىي سكۆەرىندە.
تۇركسىب اۋدانىندا الداعى 10 كۇندە سەيفۋللين جانە ءسۇيىنباي داڭعىلدارى، بۇقتىرما كوشەسى، مايلين كوشەسى بويىنداعى 100 ورىندىق پەن 100 قوقىس جاشىگىن، سونداي-اق سەيفۋللين اتىنداعى سكۆەر مەن سەيفۋللين اتىنداعى ساياباقتا سىرلاۋ جۇمىستارىن جۇرگىزۋ جوسپارلانعان. بۇعان 4 جۇمىسشى بريگادا، بارلىعى 40 ادام، سونداي-اق 6 تەحنيكا جۇمىلدىرىلادى.
ناۋرىزباي اۋدانىندا 750 كوشەدەگى جانە ايالداماعى قوقىس جاشىگىن سىرلاۋ جوسپارلانۋدا. بۇل جۇمىس ناۋرىز ايىنىڭ سوڭىندا باستالدى. قازىرگى ۋاقىتتا ولار 60% اياقتالدى. سونىمەن قاتار، 500 جاڭا قوقىس جاشىگىن ساتىپ الۋعا ءوتىنىم بەرىلدى. جاندوسوۆ، داۋلەتكەرەي، كارەرنايا، بەكەشيەۆ، كەنەسارى حان، ءنادىروۆ، ءاشىموۆ كوشەلەرىندە، سونداي-اق الاتاۋ داڭعىلىندا ءساۋىر ايىنىڭ سوڭىندا اۋىستىرۋ جانە مونتاجداۋ جۇمىستارىن باستاۋ جوسپارلانعان.
جەتىسۋ اۋدانىندا ورىندىقتار مەن قوقىس جاشىگىن سىرلاۋ جۇمىستارى باستالدى، ءساۋىر ايىنىڭ سوڭىنا دەيىن بارلىعى 3514 قوقىس جاشىگى مەن 2200 ورىندىقتى 30 ادام سىرلايدى. ءسۇيىنباي، رىسقۇلوۆ، رايىمبەك داڭعىلدارىندا، سونداي-اق سولتۇستىك اينالما جول بويىنداعى نىساندار بويالادى.