تج رەجيمى جاريالانعان اۋداندار مەن قالالارداعى اتاۋلى الەۋمەتتىك كومەك الۋشىلارعا وسى جىلدىڭ II توقسانىندا ااك مەملەكەتتىك مەكەمەلەرگە جۇگىنۋىنسىز اۆتوماتتى تۇردە ۇزارتىلادى.
قازىرگى ۋاقىتتا ق ر ەڭبەك جانە حالىقتى الەۋمەتتىك قورعاۋ مينيسترلىگى نورماتيۆتىك قۇقىقتىق اكتىلەرگە قاجەتتى وزگەرىستەر ەنگىزۋدە، دەپ حابارلايدى Almaty-akshamy.kz.
اۆتوماتتى تۇردە ۇزارتۋ سۋ تاسقىنىنان زارداپ شەككەن وڭىرلەردەگى ااك الۋشى وتباسىلارعا مەملەكەتتىك قولداۋدى ۋاقتىلى كورسەتۋگە مۇمكىندىك بەرەدى.
كومەك كورسەتۋگە العاش رەت ءوتىنىش بىلدىرەتىن ازاماتتار ەلەكتروندىق ۇكىمەت پورتالى ارقىلى جۇگىنە الادى.
نورماتيۆتىك قۇقىقتىق اكتىلەرگە ەنگىزىلگەن ءتيىستى تۇزەتۋلەرمەن https://legalacts.egov.kz/npa/view؟id=15009752 سىلتەمەسى بويىنشا تانىسۋعا بولادى.
ەستەرىڭىزگە سالا كەتەيىك، ااك-نىڭ نەگىزگى ماقساتى – اقشالاي تولەمدەر تۇرىندەگى قولداۋدى جۇزەگە اسىرۋ جانە وتباسىنىڭ ەڭبەككە قابىلەتتى مۇشەلەرىن جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ ارقىلى وتباسىن قيىن ومىرلىك جاعدايدان شىعارۋ.
ااك كەلەسىلەردى كوزدەيدى:
- تابىسى وڭىرلىك ەڭ تومەن كۇنكورىس دەڭگەيىنىڭ 70%-نان اسپايتىن ازاماتتارعا توقسان سايىن الەۋمەتتىك كومەك تاعايىنداۋ؛
- 1 جاستان 6 جاسقا دەيىنگى تابىسى از وتباسىلارداعى ءار بالاعا 1،5 اەك مولشەرىندە اي سايىنعى قوسىمشا تولەم بەرۋ؛
- جۇمىسقا ورنالاستىرۋ جولىمەن جۇمىسپەن قامتۋعا جاردەمدەسۋ، وقۋعا جىبەرۋ، ءوز ءىسىن اشۋعا ىنتالانعان وتباسىلارعا گرانتتار بەرۋ جانە ت.ب.
2024 جىلدىڭ I توقسانىندا 58،8 مىڭ وتباسى (312 مىڭ ادام) 7،8 ملرد تەڭگە سوماسىنا ااك الدى.