الماتىدا قۇلاگەر شاعىن اۋدانى تۇرعىندارىنىڭ سۇيىكتى سەرۋەندەۋ ورنى – «گۇلدەر» ساياباعىندا «جاس جۇبايلار اللەياسى» سالتاناتتى تۇردە اشىلدى. ءىس-شارا «الماتى – ءبىزدىڭ ورتاق ءۇيىمىز» ناۋقانى مەن قوزى كورپەش - بايان سۇلۋ كۇنى اياسىندا ءوتتى.
باقىتتان باسى اينالعان جاستار ساياباقتا مەندەلسوننىڭ شەرۋى اياسىندا تىركەلدى، جاس وتباسىلارعا اقساقالدار باتا بەردى. جاس جۇبايلار اللەياسىنىڭ اشىلۋىنا ارنايى شاقىرىلعان قازاقستاندىق ەسترادا جۇلدىزدارى مەرەكەلىك كەشتىڭ كورىگىن قىزدىردى.
«كۇيەۋىم يۋريي ەكەۋمىز 17 ساۋىردە كەزدەستىك، ءدال وسى كۇنى تىركەلدىك. تۋىستارىمىزبەن نەكەمىزدى تىركەۋگە كەلدىك، ءبىزدىڭ وداقتىڭ بەلگىسى رەتىندە اعاش وتىرعىزۋدى ۇسىنعان كەزدە تاڭ قالدىق»، - دەدى قۋانىشى قوينىنا سىيماعان سالتاناتتى شاراعا قاتىسۋشىلاردىڭ ءبىرى تاتيانا ستەپانوۆا.
الماتىدا 2023 جىلى 16 مىڭنان استام نەكە، 2024 جىلدىڭ ءبىرىنشى توقسانىندا 4399 نەكە، ال 15 ساۋىردە «قوزى كورپەش - بايان سۇلۋ» كۇنى 92 نەكە تىركەلگەن.
بۇعان قوسا، مۇندا «گۇلدەر» ساياباعىندا جاس جۇبايلار مەن ءىس-شارانىڭ باسقا قاتىسۋشىلارى 30-عا جۋىق جاپىراقتى قاراعاش كوشەتىن وتىرعىزدى. بارلىق قاجەتتى قۇرال-جابدىقتى (قولعاپ، كۇرەك جانە كوشەت) جەتىسۋ اۋدانىنىڭ اكىمدىگى ۇسىنعان.
«بۇگىن ەرەكشە كۇن، نەكەمىزدى تىركەۋ مۇنداي بولادى دەپ ەشقاشان ويلاعان ەمەسپىز. كەرەمەت اسەر الدىق، ايتۋلى كۇننىڭ قۇرمەتىنە اعاش وتىرعىزدىق. وتاسقاندارىنا 50 جىل بولعان اتا-اپامىز بىزگە باقىت تىلەپ، باتا بەردى. وسىنداي مەرەكە ءۇشىن راحمەت، ءبىز بۇل كۇندى ەشقاشان ۇمىتپايمىز!»، - دەدى كۇيەۋ جىگىت ايدىن ءابدىرايىموۆ.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.