«ايبىن» وردەنى باتىرلار ەسىمىمەن دارەجەلەنەدى

بۇل اسكەري وردەنى 1995 جىلى بەكىتىلگەن.

بۇدان بىلاي وردەننىڭ ءبىرىنشى دارەجەسىنە ساعادات نۇرماعامبەتوۆتىڭ، ەكىنشى دارەجەسىنە – باۋىرجان مومىش ۇلىنىڭ، ءۇشىنشى دارەجەسىنە – راحىمجان قوشقاربايەۆتىڭ ەسىمى بەرىلمەك، دەپ حابارلايدى Almaty-akshamy.kz

ءماجىلىستىڭ جالپى وتىرىسىندا "قازاقستان رەسپۋبليكاسىنىڭ مەملەكەتتiك ناگرادالارى تۋرالى" زاڭىنا وزگەرىستەر مەن تولىقتىرۋ ەنگىزۋ تۋرالى زاڭ جوباسى قابىلداندى.

"پرەزيدەنت قاسىم-جومارت توقايەۆ بيىلعى 15 ناۋرىزدا "ادال ادام – ادال ەڭبەك – ادال تابىس" اتتى ۇلتتىق قۇرىلتايدىڭ ءۇشىنشى وتىرىسىندا "ايبىن" وردەنىنىڭ ءارتۇرلى دارەجەلەرىنە ساعادات نۇرماعامبەتوۆ، باۋىرجان مومىش ۇلى جانە راحىمجان قوشقاربايەۆ ەسىمدەرىن بەرۋ تۋرالى يدەيانى ايتتى. مەملەكەت باسشىسى بۇل تاريحي ادىلەتتىلىكتى قالپىنا كەلتىرۋ جانە جاۋىنگەرلەرىمىزدىڭ ەرلىگىن ەسكە الۋ ىسىندەگى تاعى ءبىر ماڭىزدى قادام بولاتىنىن اتاپ ءوتتى. مۇنداي شەشىم وسى ناگرادالار ارقىلى ءبىزدىڭ اتاقتى وتانداستارىمىزدىڭ باتىرلىق رۋحىن جاڭعىرتادى جانە ولاردىڭ يەلەرىن وتانعا جانقيارلىقپەن قىزمەت ەتۋگە شابىتتاندىرادى"، - دەدى دەپۋتات ايگۇل قۇسپان.