«قازاقستان بارىسى – 2023» رەسپۋبليكالىق تۋرنيرىنە الماتى قالاسىنىڭ اتىنان قاتىساتىن بالۋاندار بەلگىلى بولدى
اننا 1/32 فينالدىق كەزەڭىندە ۆەنگريالىق تەننيسشى تيمەيا بابوشپەن بىرگە رۋمىنيالىق مونيكا نيكۋلەسكۋ مەن جاپونيالىق ماكوتو نينوميانى ەكى سەتتە 6:1، 6:1 ەسەبىمەن جەڭدى. ماچ 1 ساعات 4 مينۋتقا سوزىلدى.
الماتىداعى بالۋان شولاق اتىنداعى سپورت سارايىندا قازاق كۇرەسىنەن جىل سايىنعى «قازاقستان بارىسى – 2023» رەسپۋبليكالىق تۋرنيرىنە ىرىكتەۋ ءتۋرنيرى ءوتتى. جارىسقا الماتى قالاسىنان 16 بالۋان قاتىسىپ، بارلىعى دا ءبىر سالماق ناتيجەسىندە ونەر كورسەتتى.
سپورتتىق ءىس-شارا قازاقستاندىق ەسترادا جۇلدىزدارىنىڭ، «ساۋلەت» بي ءانسامبلىنىڭ كونسەرتتىك باعدارلاماسىمەن باستالدى. قاتىسۋشىلار جەرەبە سۋىرىپ، ەڭ مىقتى بالۋان اتاعى ءۇشىن جەكپە-جەككە شىقتى. بۇل ىرىكتەۋ ءتۋرنيرى الماتى قالاسى اكىمدىگى، حالىقارالىق قازاق كۇرەسى فەدەراسياسى، قازاقستان رەسپۋبليكاسىنىڭ مادەنيەت جانە سپورت مينيسترلىگى جانە «قازاقستان بارىسى» قازاق كۇرەسىن دامىتۋ قورىنىڭ بىرلەسكەن جوباسى.
ۇلتتىق سپورت تۇرلەرى، ونىڭ ىشىندە قازاق كۇرەسى سىندى ۇلتتىق قۇندىلىقتارىمىز ەلىمىزدى الەمگە تانىتادى. قازاق كۇرەسىنىڭ تاربيەلىك ءمانى ەرەكشە.
«الماتى بارىسى – 2023» اتاعىن بالۋان جانسەرىك جۇماباي جەڭىپ الدى، كۇمىس ايبەك ىزتىلەۋوۆكە، ال قولا ءابدىقاسىم ساحانعا بۇيىردى. التىن جانە كۇمىس جۇلدەگەر «قازاقستان بارىسى – 2023» رەسپۋبليكالىق تۋرنيرىنە جولداما الدى. جارىستىڭ جۇلدە قورى – 1 ميلليون تەڭگە. 1-ورىنعا 500 مىڭ، 2-ورىنعا 300 مىڭ، 3-ورىنعا 200 مىڭ تەڭگە بەرىلدى.
قازاق كۇرەسى بويىنشا تۋرنير جىل سايىن سالاۋاتتى ءومىر سالتىن جانە جاستار اراسىندا ۇلتتىق سپورت تۇرلەرىن ناسيحاتتاۋ ماقساتىندا وتكىزىلەدى. ۇلتتىق كۇرەس 1938 جىلدان بەرى رەسپۋبليكالىق جارىستار باعدارلاماسىنا كىرەدى. ەڭ ءبىرىنشى جارىس وسى جىلى اۋىل شارۋاشىلىعى ايماقتارى اراسىنداعى سپارتاكيادا اياسىندا وتكەن. سودان باستاپ ءداستۇرلى تۇردە رەسپۋبليكا قالالارىندا تۇراقتى وتكىزىلىپ كەلەدى. ال «قازاقستان بارىسى» رەسپۋبليكالىق ءتۋرنيرى 2012 جىلدان بەرى جىل سايىن ۇيىمداستىرىلادى
بولات احمەتبەك ۇلى،
الماتى قالاسى قازاق كۇرەسى فەدەراسياسىنىڭ ءتوراعاسى، جارىستىڭ باس تورەشىسى:
– «الماتى بارىسى – 2023» رەسپۋبليكالىق تۋرنيرگە ىرىكتەۋ جارىسى رەتىندە ءوتتى. 16 بالۋان بەلدەسىپ، ەڭ مىقتىسى جولداما جەڭىپ الدى. تۋرنيرگە المالى اۋدانىنان باسقا 7 اۋداننان ىرىكتەلگەن 90 كيلوگرامم سالماقتان جوعارى بالۋاندار قاتىستى. ءار اۋداننان 3 بالۋاننان ىرىكتەلدى. جاراقات العان بالۋاندار قاتىسا المادى. «قازاقستان بارىسى – 2023» ءتۋرنيرى 1 شىلدەگە جوسپارلانىپ وتىر. 2 بالۋانىمىز قالا نامىسىن قورعايتىن بولادى.