مەملەكەتتىك كىرىستەر كوميتەتى ءتوراعاسىنىڭ ورىنباسارى قايرات مياتوۆ 2022 جىلدىڭ 1 قاڭتارىنان باستاپ كۇشىنە ەنگەن بيزنەستى قولداۋعا باعىتتالعان جاڭاشىلدىقتاردى اتادى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«بانك شوتتارى بويىنشا شىعىس وپەراسيالارىن توقتاتا تۇرۋ جانە قايتا باستاۋ شاراسى كۇشىنە ەندى. ەگەر سالىق بورىشتارى تولىق تولەنگەن بولسا، بانكتەر جەكە كاسىپكەر مەن زاڭدى تۇلعالاردىڭ بانك شوتتارى بويىنشا شىعىس وپەراسيالارىن دەربەس قايتا باستاۋعا قۇقىلى»، - دەدى كوميتەت ءتوراعاسىنىڭ ورىنباسارى.
ونىڭ سوزىنە قاراعاندا، 2022 جىلدىڭ 1 قاڭتارىنان باستاپ «E-Salyq ۆيѕىپەѕѕ» ءموبيلدى قوسىمشاسى نەگىزىندە جۇمىس ىستەيتىن جەكە كاسىپكەرلەر ءۇشىن جاڭا ارنايى سالىق رەجيمى ەنگىزىلگەن.
بۇل قوسىمشا جەكەلەگەن راسىمدەردى جۇزەگە اسىرۋدى جەڭىلدەتە وتىرىپ، سالىق مىندەتتەمەلەرىن ورىنداۋداعى پروبلەمالاردىڭ ءبىر بولىگىن شەشۋگە مۇمكىندىك بەرەمەك.
«قوسىمشانىڭ فۋنكسيونالى جەڭىلدەتىلگەن تارتىپپەن جەكە كاسىپكەر رەتىندە تىركەۋدەن وتۋگە، سالىق رەجيمىن تاڭداۋعا نەمەسە وزگەرتۋگە، چەكتەر بەرۋگە، سالىق تولەۋشىنىڭ كىرىستەر ءتىزىلىمىن اۆتوماتتى تۇردە قالىپتاستىرۋعا، سالىقتاردى جانە الەۋمەتتىك تولەمدەر بويىنشا، ونىڭ ىشىندە قىزمەتكەرلەر بويىنشا مىندەتتەمەلەردى ەسەپتەۋگە، تىركەۋ جانە كىرىستەر تۋرالى انىقتامالاردى، مەملەكەتتىك كىرىستەر ورگاندارى جىبەرەتىن حابارلامالاردى الۋعا مۇمكىندىك بەرەدى»، - دەدى قايرات مياتوۆ.
سونداي-اق، 1 قاڭتاردان باستاپ قوسىمشا قۇن سالىعىن تولەۋشىلەردى بازادان شىعارۋدىڭ وڭايلاتىلعان ءتارتىبى جۇمىس ىستەي باستادى.
«بۇرىن قارجى-شارۋاشىلىق قىزمەتىن جۇزەگە اسىرماعان، ءبىراق قىزمەتىن توقتاتۋ تۋرالى شەشىم قابىلداعان قوسىمشا قۇن سالىعىن تولەۋشىلەر ءوز ءوتىنىشى بويىنشا سالىقتىق تەكسەرۋ راسىمىنەن وتكەن بولسا، بۇگىندە جويۋ ءراسىمى تەك كامەرالىق تەكسەرۋگە دەيىن ازايتىلعان.
بيزنەس سۋبەكتىلەرىن قولداۋ ءۇشىن شاعىن كولەمدى فۋرگونداردىڭ كولىك سالىعىنا قاتىستى تۇزەتۋ قابىلداندى.
مۇنداي سانات بويىنشا كولىك قۇرالدارىنا سالىناتىن سالىق جۇك كوتەرۋ كولەىمنە قاراي ەسەپتەلەتدى. بۇرىن قوزعالتقىشتىڭ كولەمىنە قاراي ەسەپتەلگەن»، -دەدى كوميتەت وكىلى.
قايرات مياتوۆ قويمالارعا قاتىستى سالىقتىق رەتتەۋ ماسەلەسى بولعانىن ەسكە سالدى.
«2022 جىلدىڭ 1 قاڭتارىنا دەيىن مەنشىك قۇقىعىندا تىركەلگەن قويمالارى بار جەكە تۇلعالار جىل سايىن تولەيتىن سالىق مولشەرىن ءوز بەتىنشە ەسەپتەپ، مەملەكەتتىك كىرىس ورگانىنا جەكە سالىق دەكلاراسياسىن وكتىزۋگە مىندەتتى بولعان. وسى ماسەلە بويىنشا سالىق كودەكسىنە ەنگىزىلگەن تۇزەتۋلەر جۇمىستى جەڭىلدەتتى.
1 قاڭتاردان باستاپ «ازاماتتارعا ارنالعان ۇكىمەت» سالىق ورگانىنا وسىنداي قويمالاردىڭ باعالاۋ قۇنى تۋرالى مالىمەتتەردى بەرەدى. كوميتەت مۇلىك سالىعىن وسى مالىمەت بويىنشا ەسەپتەپ، پاتەرلەردىڭ مۇلىك سالىعىمەن بىرگە حابارلاما جىبەرىپ قانا وتىرادى»، - دەپ ءتۇسىندىردى مەملەكەتتىك كىرىستەر كوميتەتى ءتوراعاسىنىڭ ورىنباسارى.