حالىقارالىق بالالاردى قورعاۋ كۇنى قارساڭىندا وڭتۇستىك استانادا الماتى قالاسى ءبىلىم باسقارماسىنىڭ ۇيىمداستىرۋىمەن العاش رەت 2022 جىلعى 5 مامىردان باستاپ «الماتى بالاFEST» قالالىق بالالار فەستيۆالى باستاۋ الادى، دەپ حابارلايدى اlmaty-akshamy.kz.
فەستيۆالدىڭ ماقساتى - بالالاردىڭ شىعارماشىلىق، زياتكەرلىك قابىلەتتەرىن دامىتۋ جانە قولداۋ، ولاردى بەلسەندى دەمالىس پەن سپورتقا تارتۋ؛ قالادا مەرەكەلىك اتموسفەرا قۇرۋ.
جالپى 300 مىڭنان استام بالا قامتىلادى.
فەستيۆال اياسىندا 7 قالالىق بايقاۋ ۇيىمداستىرىلادى، وعان ەرەكشە ءبىلىم بەرۋ قاجەتتىلىكتەرى بار بالالار دا قاتىسادى:
- «جۇلدىزدى ءسات» (مۋزىكالىق شىعارماشىلىق جانە حورەوگرافيا)
- «Open Air سپورت» (سپورت جانە سالاۋاتتى ءومىر سالتى)
- «بوياۋلار قۇپياسى» (بەينەلەۋ ونەرى)
- «حاكاتون - IT Universe» (IT، دروندار جانە روبوتوتەحنيكا)
- «ونەرلى بالا» (ساندىك-قولدانبالى ونەر)
- «كىتاپ-بىلىم بۇلاعى» (ادەبي وقۋ)
- «جاسىل الماتى» (ەكولوگيا جانە قورشاعان ورتا)
«سەنىم»، «ايالا»، «شاپاعات» مەديسينالىق-الەۋمەتتىك مەكەمەلەرىندەگى، «كەڭەس» وڭالتۋ ورتالىعىنداعى ەرەكشە ءبىلىم الۋعا قاجەتتىلىگى بار بالالار ءۇشىن 5 باعىت بويىنشا ءىس-شارالار ۇيىمداستىرىلادى: «اسپاز» (اسپازدىق ونەر)، «سپورتتىق دودا» (سپورتتىق جارىستار)، «تۇستەر الەمى» (بەينەلەۋ ونەرى)، «شەبەر بالاقاي» (ساندىك-قولدانبالى ونەر)، «اسەم تابيعات» (مادەني شارالار). بارلىعى 600 بالا قامتىلماق.
قالالىق كونكۋرستار 3 كەزەڭدە وتەدى: مەكتەپ كەزەڭى – 5 مامىردان 14 مامىرعا دەيىن؛ اۋداندىق كەزەڭ – 16 مامىردان 24 مامىرعا دەيىن؛ قالالىق كەزەڭ – 26 مامىردان 28 مامىرعا دەيىن.
1 ماۋسىمنان باستاپ قالانىڭ بارلىق اۋداندارىنداعى 11 الاڭدا مۋلتفيلم كەيىپكەرلەرى، كوميكستەر مەن ەرتەگى كەيىپكەرلەرىنىڭ قاتىسۋىمەن بالالارعا ارنالعان مادەني-ويىن-ساۋىق باعدارلاما وتەدى. الاڭداردا تانىمدىق ويىندار، كورنەكى سپورتتىق ءىس-شارالار، شەبەرلىك سىنىپتار، كورمەلەر جانە باسقا دا كوپتەگەن ويىن-ساۋىقتار ۇيىمداستىرىلادى. مەرەكەلىك كونسەرتتىك باعدارلاماعا دارىندى بالالار مەن قازاقستاندىق ەسترادا جۇلدىزدارى قاتىسادى. العاش رەت بالالار مەرەكەسى ءۇشىن ارنايى جازىلعان فەستيۆال ءانۇرانى شىرقالادى.
«الماتى بالاFEST» بالالاردىڭ دەمالىسىن ۇيىمداستىرۋ جانە ساۋىقتىرۋ بويىنشا جازعى ماۋسىمنىڭ وزىندىك باستاماسى بولادى.
بايلانىس تەل: +7 (727) 255-83-05، 87754191880.