بيىل كورشى ەلدىڭ توتەنشە جاعدايلار مينيسترلىگىنەن H 215 ەۆروكوپتەرىنە تاپسىرىس تۇسكەن.
زاۋىت باسشىنىڭ ايتۋىنشا، قىرعىزستانعا وسىنداي ەۆروكوپتەردىڭ بەسەۋى جەتكىزىلەدى. ال ەلىمىزدىڭ توتەنشە جاعدايلار ۆەدومستۆوسىنىڭ اۋە پاركىندە 30-دان استام اۋە كەمەسى بار، دەپ حابارلايدى Almaty-akshamy.kz ونىڭ ىشىندە ىزدەستىرۋ-قۇتقارۋ جۇمىستارىنا، سانيتارلىق اۆياسيا، پاترۋلدىك قىزمەتكە جانە ورماندى قورعاۋ جۇمىستارىنا پايدالانىلاتىن 15 تىكۇشاق بار.
"وتكەن جىلى ءبىز بورتتاردىڭ 6 اۋىر كلاسىن الدىق. بۇل قازاقستان اۋماعىندا شىعارىلاتىن مي-8. ول وزىمىزدە قۇراستىرىلادى. الداعى ەكى جىلدا مي-8 كلاسىنداعى تاعى 5 تىكۇشاق ساتىپ الۋدى جوسپارلاپ وتىرمىز. جەڭىل جانە اۋىر كلاستاعى ءتۇرلى تەحنيكا نە ءۇشىن قاجەت؟ ويتكەنى جاقىن قاشىقتىققا ۇشۋ ءۇشىن ول تەز كوتەرىلەدى، وعان قوسا ەۆروكوپتەردى پايدالانۋ ارزانىراق. ال مي-8، مي-26 تىكۇشاقتارى ورماندى دالا ورتتەرىن سوندىرۋگە ارنالعان اۋىر تىكۇشاقتار. اۋە پاركى دامىپ كەلەدى"، - دەيدى ق ر توتەنشە جاعدايلار ءمينيسترى يۋريي يلين.