اباي جانە ءال-فارابي داڭعىلىنداعى جول جوندەۋ كەستەگە سايكەس جۇرگىزىلۋدە: جۇمىس 60%-عا اياقتالد
الماتىدا نەگىزگى ماگيسترالدارداعى جول جوندەۋ جۇمىستارى كەستەگە سايكەس جۇرگىزىلەدى جانە وقۋ جىلى باستالعانعا دەيىن اياقتالادى. قازىرگى تاڭدا ءال-فارابي داڭعىلىنىڭ وڭتۇستىك جاعىنداعى تورايعىروۆ كوشەسىنەن دوستىق داڭعىلىنا دەيىنگى، دوستىقتان ەسەنتاي وزەنىندەگى كوپىرگە دەيىنگى اۋماقتا پوليمەرلى اسفالتبەتون توسەۋ جۇمىستارى اياقتالدى. سەيفۋللين داڭعىلىنا بۇرىلىستاردى جوندەۋگە دايىندىق جۇمىستارى قولعا الىندى. داڭعىلدىڭ وڭتۇستىك جاعىندا الدىن الا باقىلاۋ جۇمىستارى اياقتالدى، شىلدە ايىنىڭ سوڭىنا دەيىن تۇراقتى جول تاڭبالارى سىزىلا باستايدى.
اباي داڭعىلىندا ەكى مەردىگەر ۇيىم جۇمىس ىستەيدى. وڭتۇستىك جاعىندا جوندەۋ جۇمىسى اياقتالىپ، تىلەندييەۆ كوشەسىنەن ەسەنتاي وزەنىندەگى كوپىرگە دەيىنگى قوزعالىس اشىلدى. سولتۇستىك جاعىندا دوستىق داڭعىلىنان ەسەنتاي وزەنىندەگى كوپىرگە دەيىن پوليمەرلى اسفالتبەتون جابىنى توسەلگەن.
بۇعان قوسا، موڭكە بي كوشەسى مەن ۇاك ارالىعىنداعى سايىن كوشەسىندە ۇزىندىعى 2،8 كم-گە دەيىن ورتاشا جوندەۋ اياقتالۋعا جاقىن.
جولعا پوليمەرلى اسفالتبەتون توسەۋ جۇمىسى بىتكەسىن ورتاشا جوندەۋ اياسىندا وسى كوشەلەردىڭ تروتۋارىن جوندەۋ جۇمىستارى قاراستىرىلعانىن اتاپ وتكەن ءجون.
ءارى قالادا اۋداندىق ماڭىزى بار كوشەلەر جوندەلىپ جاتىر، كەلىسىمگە سايكەس، قازان ايىنىڭ سوڭىنا دەيىن اياقتاۋ جوسپارلانعان. ءقازىر ۆاحتانگوۆ كوشەسىندە جاندوسوۆتان لەبەديەۆكە دەيىن، تۇرعىت وزال كوشەسىندە ساتبايەۆتان تىلەندييەۆكە دەيىن، اقساي-1 ش/ا-داععى مومىش ۇلى كوشەسىنەن رايىمبەك داڭعىلىنا دەيىنگى جول، العاباس، تەرەكتى جانە راحات شاعىن اۋداندارداعى ءبىرقاتار كوشەدە اسفالتبەتون توسەۋ جۇمىستارى اياقتالدى.
ەستەرىڭىزگە سالا كەتەيىك، الماتىدا ماگيسترالدىق كوشەلەردىڭ جول توسەمى جاڭا تەحنولوگيالاردى قولدانۋ ارقىلى جوندەلىپ جاتىر. اسفالتبەتون قۇرامىندا پوليمەر قولدانىلادى. مۇنداي قوسپالار توزۋعا ءتوزىمدى، جۇمسارتۋ تەمپەراتۋراسى جوعارى (65-70 °C)، سوندىقتان ىستىققا وڭاي توتەپ بەرىپ، الدەقايدا ۇزاعىراق قىزمەت ەتەدى. قازىرگى 5 جىلدىڭ ورنىنا 8-10 جىل پايدالانۋعا بولادى.
جول جوندەۋ جۇمىستارى 2023 جىلعا جوسپارلانعان جۇمىستار اياسىندا قولعا الىنعان. ۋاقىتشا قولايسىزدىقتار ءۇشىن كەشىرىم وتىنەمىز. بۇل قالا جولدارىن ۇزاعىراق پايدالانۋعا قاجەتتى شارا. مارشرۋتتى الدىن الا جوسپارلاپ الۋدى سۇرايمىز.
جول جوندەۋ جۇمىستارى تۋرالى سوڭعى اقپارات قالا اكىمدىگى مەن قالالىق موبيلدىلىك باسقارماسىنىڭ رەسمي پاراقشالارىندا، https://t.me/AlmatyJoly تەلەگرام ارناسىندا جانە 2گيس قوسىمشاسىندا كورسەتىلگەن.