الماتى اۋرۋحانالارىندا ناۋقاستارعا توسەك جەتكىلىكتى
الماتى قالاسى وڭىرلىك كوممۋنيكاسيالار قىزمەتىنىڭ الاڭىندا الماتى قالاسى قوعامدىق دەنساۋلىق باسقارماسى باسشىسىنىڭ ورىنباسارى لاۋرا مىرزاعالي كورونوۆيرۋس ناۋقاستارى كۇرت وسەتىن بولسا، ولارعا توسەك جەتكىلىكتى، دەپ مالىمدەدى. ونىڭ ايتۋىنشا، ءقازىر ستاسيونارلاردا 1730 توسەك دايىن تۇر. ودان باسقا، رەزەرۆتە 7011 توسەك بار، دەپ حابارلادى Almaty-akhsma.kz.
«قاجەت بولعان جاعدايدا سولاردى كونسەرۆاسيادان شىعارىپ، پايدالانامىز. بيىل ناۋرىز ايىندا 3200 توسەكتى پايدالانىپ، ناۋقاستار سانى وسكەندە، توسەكتەردىڭ دە سانىن 6000 دەيىن جەتكىزگەنبىز. سوندىقتان تاجىريبەمىز بار»، - دەدى لاۋرا مىرزاعالي.