«اۋىل – ەل بەسىگى» جوباسى اياسىندا رەسپۋبليكا بويىنشا 238 اۋىل قامتىلىپ، 1،5 مىڭ نىسان سالىنىپ، جوندەلدى.
بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ۇلتتىق ەكونوميكا ءمينيسترى اسەت ەرعالييەۆ مالىمدەدى.
«ءتيىستى جۇمىستار بيىل دا جالعاسىن تابادى. ءاربىر اۋىلعا ارنالعان ءار جوبا ناقتى باقىلاۋدا بولادى. اتالعان جوبا اياسىندا ينفراقۇرىلىمدى جوندەۋ، تارتۋ، الەۋمەتتىك نىساندار سالۋ ماقساتىندا 2025 جىلعا دەيىن 800 ملرد تەڭگە باعىتتالادى. وسى جوبالار ارقىلى ءاربىر اۋىلدى ساپالى اۋىز سۋمەن قامتۋ ماسەلەسى شەشىلەدى. سونداي-اق، كەڭ جولاقتى ينتەرنەت جەلىسىمەن تولىقتاي قامتىلادى. جەرگىلىكتى جولداردىڭ 95% سالىنىپ، جوندەلەدى»، - دەدى مينيستر.