ونىڭ ىشىندە 11 بالا بار.
الماتىدا ءبىر تاۋلىكتە 15 ادام كوروناۆيرۋس جۇقتىردى. ونىڭ 11-ىندە سيمپتوم بار، 4-ەۋىندە اۋرۋ بەلگىلەرى جوق، دەپ حابارلايدى Almaty-akshamy.kz.
«9 ادام جازىلىپ شىقسا، 11 ادام اۋرۋحاناعا جاڭادان ءتۇستى. 400 توسەك-ورىندىق ينفەكسيالىق ستاسيونارلاردا 96 ادام جاتىر، ونىڭ ىشىندە 11 بالا بار. جالپى رەانيماسيا جانە قارقىندى تەراپيا بولىمشەسىندە 10 ادام جاتىر»،- دەلىنگەن الماتى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاماسىندا.
4 ناۋقاس جاساندى تىنىس الۋ اپپاراتىنا قوسىلعان. High flow-دا 2 اپپارات جۇمىس ىستەيدى.
مەديسينالىق-سانيتاريالىق العاشقى كومەك ءموبيلدى بريگادالارىنىڭ جانە تەلەمەديسينا ورتالىعىنىڭ امبۋلاتوريالىق باقىلاۋىندا 181 ناۋقاس بار. ونىڭ ىشىندە جەڭىل جانە ورتاشا اۋىر جاعدايدا – 164 ناۋقاس، سيمپتومسىز 17 ناۋقاس بار.