ولاردىڭ 150ء-ى - بالالار.
الماتىلىق دارىگەرلەر ءبىر تاۋلىكتە قانشا ادام كۆي-عا شالدىققانىن اتتى، دەپ حابارلايدى Almaty-akshamy.kz.
الماتى قالاسى قوعامدىق دەنساۋلىق ساقتاۋ ۇيىمىنىڭ باسپا ءسوز قىزمەتىنىڭ مالەمەتى بويىنشا، 25 قاڭتاردا كوروناۆيرۋستىق ينفەكسيانىڭ (جەرگىلىكتى) 2126 جاعدايى تىركەلدى، ونىڭ ىشىندە 1899 جاعداي سيمپتوماتيكالىق جانە 227 اۋرۋ بەلگىلەرى جوق.
اۋرۋحانادان 212 ادام شىعارىلدى، 232 ادام ءتۇستى. بارلىعى 1 430 ادام (150 بالا) جۇقپالى اۋرۋلار ستاسيونارلارىندا (3 310 توسەك-ورىن) جاتىر.
جتق-دا 90 ادام بار.
مەحانيكالىق جەلدەتۋ بويىنشا – 16،
ءينۆازيۆتى ەمەس ۆەنتيلياسيا بويىنشا – 31،
جوعارى اعىنمەن – 9 قۇرىلعى.
بۇگىنگى كۇنى امسك ءموبيلدى بريگادالارى مەن تەلەمەديسينا ورتالىعىنىڭ ءۇي باقىلاۋىندا 11509 ناۋقاس بار، ونىڭ 10831ء-ى جەڭىل جانە ورتاشا اۋىرلىقتا، 678ء-ى سيمپتومسىز.
وتكەن تاۋلىكتە ۆاكسينانىڭ ءبىرىنشى كومپونەنتپەن 1769 ادام، ەكىنشى كومپونەنتپەن 1148 ادام ەگىلدى.
وتكەن جىلدىڭ 1 اقپانىنان بيىلعى جىلدىڭ 25 قاڭتارى ارالىعىندا I كومپونەنتپەن 1 102 954 ادام، I كومپونەنتپەن 1 048 071 ادام ەگىلگەن.
ەكپە العانداردىڭ جالپى سانىنىڭ 123 997ء-سى - 60 جاستان اسقاندار.
بۇگىنگى تاڭدا Pfizer (Comirnaty) 39 254 ادام، ونىڭ ىشىندە 2 094 جۇكتى ايەل، 8 515 بالا ەمىزەتىن ايەل جانە 28 645 بالا مەن ءجاسوسپىرىم ەگىلدى.
131 620 ازامات ريەۆاكسيناسيا الدى.
«قالاداعى مەديسينالىق ۇيىمداردا 119 ەگۋ پۋنكتى جۇمىس ىستەيدى (250-گە دەيىن كوبەيتۋ مۇمكىندىگى بار). 520 ادامنان تۇراتىن 140 ەگۋ بريگاداسى جۇمىلدىرىلدى»، - دەلىنگەن الماتى قالاسى قوعامدىق دەنساۋلىق ساقتاۋ ۇيىمىنىڭ باسپا ءسوز قىزمەتىنىڭ حابارلاماسىندا.