الماتىدا «حالىق قاتىساتىن بيۋدجەت» جوباسىنا قاتىسۋعا وتىنىمدەر قابىلداۋ اياقتالدى
بيىل 20 قىركۇيەكتە budget.open-almaty.kz ينتەرنەت پورتالىندا «حالىق قاتىساتىن بيۋدجەت» جوباسى بويىنشا ءوتىنىم قابىلداۋ اياقتالدى. تۇرعىنداردان الماتى اۋماعىن دامىتۋ بويىنشا 5 449 ۇسىنىس ءتۇستى، دەپ حابارلايدى almaty-akshamy.kz
المالى (1 083)، الاتاۋ (1020)، اۋەزوۆ (869)، جەتىسۋ (844) جانە ناۋرىزباي (658)، مەدەۋ (364)، تۇركسىب (344) جانە بوستاندىق (267) اۋداندارى تۇرعىندارى بەلسەندىلىك تانىتتى.
ءوتىنىم توعىز سانات بويىنشا قابىلدانادى: كوگالداندىرۋ؛ جارىقتاندىرۋ؛ سانيتاريانى قامتاماسىز ەتۋ؛ پوليگونداردى جويۋ؛ تروتۋارلاردى، پاندۋستاردى، ارىقتاردى جانە ت.ب. اباتتاندىرۋعا قاتىستى ۇسىنىستاردىڭ 70%-عا جۋىعى بالالار/سپورت الاڭدارىن اباتتاندىرۋعا، اربالاردى، ورىندىقتار مەن ۋرنالاردى جالپى پايدالانۋ ورىندارىن ورناتۋ بولدى.
تۇرعىنداردىڭ باستاماسىنا مەترو بەكەتتەرىن تىك كوگالداندىرۋ؛ بادمينتونعا، سەيفۋللين داڭعىلىنداعى پەرگولاعا ارنالعان كوشە كورتتارىن ورناتۋ؛ يتتەردى سەرۋەندەتۋ الاڭىن ۇيىمداستىرۋ؛ وقۋشىلار سارايىندا امفيتەاتر سالۋ جانە ت.ب. كىرەدى.
بيىل 2 قازانعا دەيىن اۋداندىق اكىمدىكتەر جانىنداعى ساراپتامالىق كەڭەستەر كەلىپ تۇسكەن بارلىق ءوتىنىمنىڭ «حالىق قاتىساتىن بيۋدجەتتىڭ» كريتەرييى مەن تالابىنا سايكەستىگىنە باعالاۋ جۇرگىزەدى. باعالاۋ ناتيجەسى بويىنشا جوبا اۆتورلارى بەرىلگەن جوبالىق ۇسىنىستارعا رۇقسات بەرۋ، باس تارتۋ نەمەسە پىسىقتاۋ قاجەتتىگى تۋرالى حابارلاما الادى.
ساراپتامالىق ىرىكتەۋدەن وتكەن بارلىق ءوتىنىم وسى جىلدىڭ 13-23 قازان ارالىعىندا وتەتىن داۋىس بەرۋگە كەزەڭىنە جىبەرىلەدى. ءبىر تۇرعىن 3 جوبالىق ۇسىنىسقا داۋىس بەرە الادى.
ەڭ كوپ داۋىس جيناعان باستامالاردى اۋدان اكىمدىكتەرى 2024 جىلى قالالىق بيۋدجەت ەسەبىنەن ىسكە اسىرادى.
«حالىق قاتىساتىن بيۋدجەت» بويىنشا كونسۋلتاسيانى اۋداندىق اكىمدىكتەردەن نەمەسە Open Almaty اكىمدىگىنىڭ قوعامدىق قابىلداۋ بولمەسىنەن 224 39 29 (ىشكى. 203، 127) بىلۋگە بولادى.
