قازاقستان رەسپۋبليكاسىنىڭ مادەنيەت جانە اقپارات مينيسترلىگى «دارىن» مەملەكەتتىك جاستار سىيلىعىنا بايقاۋ جاريالايدى
«دارىن» مەملەكەتتىك جاستار سىيلىعى - عىلىم، شىعارماشىلىق، قوعامدىق قىزمەت سالالارىندا جەمiستi ەڭبەگىمەن كوزگە تۇسكەن، سونداي-اق جوعارى سپورتتىق جەتىستىكتەرى ءۇشىن دارىندى جاستاردى مەملەكەت تاراپىنان قولداۋ ماقساتىندا ۇسىنىلادى، دەپ حابارلايدى Almaty-akshamy.kz.
بايقاۋ «ادەبيەت»، «عىلىم»، «ديزاين جانە بەينەلەۋ ونەرى»، «جۋرناليستيكا»، «كلاسسيكالىق مۋزىكا»، «كرەاتيۆتى باستامالار»، «سپورت»، «تەاتر جانە كينو»، «ەسترادا»، «حالىق شىعارماشىلىعى» اتتى 10 نوميناسيا بويىنشا وتەدى.
سىيلىق الۋعا حالىقارالىق جانە رەسپۋبليكالىق كونكۋرستاردىڭ، فەستيۆالدار مەن ءتۇرلى شارالاردىڭ لاۋرەاتتارى، رەسپۋبليكالىق جانە حالىقارالىق دەڭگەيلەردەگى سپورتتىق جارىستاردىڭ جۇلدەگەرلەرى مەن جەڭىمپازدارى، سونداي-اق قىزمەتى يننوۆاسيالىق بولىپ تابىلاتىن جانە ءتيىستى سالا مەن تۇتاستاي قوعامدى دامىتۋعا ىقپال ەتكەن قازاقستان رەسپۋبليكاسىنىڭ 35 جاسقا دەيىنگى ازاماتتارى ۇمىتكەر بولا الادى.
«دارىن» جاستار سىيلىعىن الۋعا كانديداتۋرالاردى ۇسىنۋدى مەملەكەتتiك ورگاندار، قوعامدىق بiرلەستiكتەردىڭ وكىلدەرى جۇرگiزەدi.
جەڭىمپازدارعا «دارىن مەملەكەتتىك جاستار سىيلىعىنىڭ لاۋرەاتى» اتاعى بەرىلەدى جانە ولار ديپلوممەن، توسبەلگىلەرمەن سونداي-اق قارجىلاي سىيلىقپەن ماراپاتتالادى.
جىل سايىن سىيلىقتى ۇسىنۋ قازاقستان رەسپۋبليكاسىنىڭ تاۋەلسىزدىك كۇنىن مەرەكەلەۋ اياسىندا وتكىزىلەدى.
«دارىن» جاستار سىيلىعى 1992 جىلى تاعايىندالعان. ءار جىلدارى اتالعان سىيلىقتى ءتۇرلى سالاداعى 320-دان استام ازامات يەلەنگەن بولاتىن.
كونكۋرسقا قاتىسۋعا قۇجاتتار 2023 جىلعى 20 قاراشاعا دەيىن قازاقستان رەسپۋبليكاسى مادەنيەت جانە اقپارات مينيسترلىگىنىڭ جاستار جانە وتباسى ىستەرى كوميتەتى (قاعاز نۇسقادا) مىنا مەكەنجاي بويىنشا: استانا قالاسى، مانگىلىك ەل داڭعىلى 10، «مينيسترلىكتەر ءۇيى» عيماراتىندا (14-كىرەبەرىس) قابىلدانادى.
ال ەلەكتروندىق نۇسقانى premiya.daryn@gmail.com پوشتاسىنا جولداۋعا بولادى. بايلانىس نومەرلەرى: 8(7172) 74-05-25، 8(7172) 74-18-43، 8 701 170 46 54.