حالىقارالىق اۋە رەيسىنىڭ ماس جولاۋشىسى ءتارتىپ بۇزعانى ءۇشىن 15 تاۋلىككە قاماۋعا الىندى.
الماتى قالاسى اۋەجايىنداعى جەلىلىك پوليسيا ءبولىمىنىڭ قىزمەتكەرلەرى الماتى – سوچي باعىتىنداعى اۋە رەيسىنىڭ 29 جاستاعى جولاۋشىسىن انىقتاپ، ۇستادى، دەپ حابارلايدى aqshamnews.kz Polisia.kz-كە سىلتەمە جاساپ.
ايەل كىسى اۋە رەيسىنە وتىرعىزۋ كەزىندە ماس كۇيدە بولىپ، ءوزىن دورەكى ۇستاپ، اۋەكومپانيا قىزمەتكەرلەرىنە بالاعات سوزدەر ايتىپ، ەسكەرتۋلەرگە قۇلاق اسپاعان. ول سونداي-اق پوليسيا بولمەسىنە جەتكىزۋ كەزىندە ءتارتىپ ساقشىلارىنىڭ زاڭدى تالابىنا باعىنباعان. كولىك پوليسەيلەرى قۇقىق بۇزۋشىعا قاتىستى قوعامدىق ورىندارعا ماساڭ كۇيىندە كەلگەنى، ۇساق بۇزاقىلىق جاساعانى، قۇقىق قورعاۋ ورگانى قىزمەتكەرىنىڭ زاڭدى تالابىنا باعىنباعانى ءۇشىن اكىمشىلىك حاتتاما تولتىرىپ، ماتەريالدى سوتقا جولدادى.
ايتا كەتۋ كەرەك، بۇل ازاماتشا بۇعان دەيىن ءبىر جىل ىشىندە الكوگولدىك ىشىمدىكتەردى ىشكەنى ءۇشىن اكىمشىلىك جاۋاپكەرشىلىككە تارتىلعان بولاتىن. سوت شەشىمىمەن قۇقىق بۇزۋشى 15 تاۋلىك مەرزىمگە اكىمشىلىك قاماۋعا الىندى.