2024 جىلى پاريجدەگى وليمپيادا ويىندارىندا قازاقستاننىڭ تاريحىندا العاش رەت سپورتتىق گيمناستيكادان جۇلدە العان قۇربانوۆقا قازاقستاندىق Allur اۆتوموبيل كومپانياسى جاڭا Skoda Kodiaq اۆتوكولىگىن سىيعا تارتتى، دەپ حابارلايدى aqshamnews.kz.
بۇل سىيلىق سپورتشىنىڭ قازاقستان سپورتىنداعى جەتىستىكتەرى ءۇشىن قۇرمەت كورسەتۋ ماقساتىندا بەرىلدى.
ناريمان گيمناستيكامەن 6 جاسىنان باستاپ، بەلگىلى سپورتشى جانە جاتتىقتىرۋشى اكەسىنىڭ جەتەكشىلىگىمەن اينالىسقان. 2017 جىلى ول ات ۇستىندە ەرەكشە بىرەگەي ەلەمەنتتى ورىنداپ، ول ەلەمەنت رەسمي تۇردە ونىڭ ەسىمىمەن اتالىپ "The Kurbanov" دەپ تانىلدى.
اۆتوكولىك تابىستاۋ راسىمىندە كومپانيا وكىلدەرى بۇل سىيلىقتى قۇربانوۆتىڭ ەلدىڭ سپورتتىق جەتىستىكتەرىنە قوسقان ۇلەسى ءۇشىن العىس رەتىندە بەرىلگەنىن اتاپ ءوتتى.
"ناريماننىڭ بولاشاقتاعى جەتىستىكتەرىن قولداۋعا مۇمكىندىك العانىمىزعا ماقتان تۇتامىز، بۇل كولىك وعان جاڭا بيىكتەرگە جەتۋ جولىندا سەنىمدى سەرىك بولادى دەپ ۇمىتتەنەمىز،" - دەدى Allur كومپانياسىنىڭ وكىلى ستانيسلاۆ و-يۋن-بەم.
ءوز كەزەگىندە، سپورتشى كومپانياعا ونىڭ جەتىستىكتەرىنە كورسەتكەن قولداۋى مەن نازار اۋدارعانى ءۇشىن شىنايى العىسىن ءبىلدىردى:
"مەنىڭ جەڭىسىمنىڭ وتاندىق كومپانيالار تاراپىنان وسىنداي قولداۋ تاپقانىنا قۋانىشتىمىن. بۇل سىيلىق مەنى سپورتتىق ارەنادا ءارى قاراي دامۋعا جانە جاڭا جەڭىستەرگە جەتۋگە ىنتالاندىرادى،" - دەدى ناريمان قۇربانوۆ.