الماتى اۋەجايىندا شەتەلدىك ەكى ازاماتتان قارۋ تابىلدى

الماتى اۋەجايىندا جولاۋشىلاردان تىيىم سالىنعان ءقاۋىپتى زاتتار تاركىلەندى

بۇگىن قازاقستانعا «الماتى-فرانكفۋرت» اۋە رەيسىمەن ۇشىپ كەلگەن 64 جاستاعى ەر ادام مەن 43 جاستاعى ايەل ۇستالدى، دەپ حابارلايدى Almaty-akshamy.kz. 
ق ر ءىىم كولىكتەگى پد باسپا ءسوز قىزمەتىنىڭ مالىمەتتەرىنە سايكەس، تەكسەرۋ كەزىندە ولاردان 30-06 مم جانە 300 مم كاليبرلى پاتروندار تابىلدى.

«الماتى قالاسىنىڭ اۋەجايىندا پوليسيا جەلىلىك ءبولىمىنىڭ قىزمەتكەرلەرى ۇستالعاندارعا قاتىستى ق ر اقبتك-نىڭ 484-بابىنىڭ 1-بولىگى (ىشكى ىستەر ورگاندارىنىڭ قارۋدى ساقتاۋعا، ساقتاۋعا جانە الىپ جۇرۋگە رۇقساتى بار ادامداردىڭ ازاماتتىق، قىزمەتتىك، ماراپاتتىق، كوللەكسيالىق قارۋدى، ونىڭ پاتروندارىن ساتىپ الۋ، بەرۋ، ەسەپكە الۋ، ساقتاۋ، پايدالانۋ، تاسىمالداۋ، قازاقستان رەسپۋبليكاسىنىڭ اۋماعىنا اكەلۋ، قازاقستان رەسپۋبليكاسىنىڭ اۋماعىنان اكەتۋ جانە قازاقستان رەسپۋبليكاسىنىڭ اۋماعى بويىنشا ترانزيتتەۋ ءتارتىبىن بۇزۋى) بويىنشا اكىمشىلىك حاتتامالار تولتىرىلدى. ءارقايسىسىنا 10 اەك (29170 تگ) كولەمىندە اكىمشىلىك ايىپپۇل سالىندى»، - دەپ حابارلادى كولىكتەگى پد باسپا ءسوز قىزمەتى.

سونىمەن قاتار سول كۇنى الماتى قالاسىنىڭ اۋەجايىندا 1979 جىلى تۋعان الماتى وبلىسىنىڭ تۇرعىنى ۇستالدى، ول نۇر-سۇلتان قالاسىنا ۇشىپ بارا جاتقان اۋە كەمەسىنىڭ بورتىنا ەلەكتر شوقپارىمەن كىرۋگە تىرىستى. اتالعان فاكتىگە وراي ق ر اقبتك-نىڭ 482-بابىنىڭ 1-بولىگى (جەكە جانە زاڭدى تۇلعالاردىڭ قارۋدى زاڭسىز يەلەنۋى، بەرۋى، وتكىزۋى، ساقتاۋى، الىپ ءجۇرۋى، تاسىمالداۋى) بويىنشا اكىمشىلىك حاتتاما تولتىرىلدى. قازىرگى ۋاقىتتا تاركىلەنگەن زات بويىنشا سوت-ەلەكتروتەحنيكالىق ساراپتاما تاعايىندالدى.