كەشە كەشكە الماتى اۋەجايى قار مەن قاتتى جەلگە بايلانىستى جۇمىسىن توقتاتتى.
بۇگىن جۇزدەگەن جولاۋشى ءالى دە ۇشاقتاردى كۇتىپ وتىر، دەپ حابارلايدى Almaty-akshamy.kz الماتى اۋەجايىنىڭ باسپا ءسوز قىزمەتىنە سىلتەمە جاساپ.
الماتى اۋەجايىنىڭ سايتىنداعى ديسپلەيدەن 17 رەيستىڭ ۇشۋعا، 33 رەيستىڭ كەلۋگە كەيىنگە قالدىرىلعانى بايقالادى.
"الماتى حالىقارالىق اۋەجايى اۋا رايىنىڭ قيىندىعىنا بايلانىستى رەيستەر كەشىكتىرىلگەنىن حابارلايدى. جاعداي تۇراقتالعاننان كەيىن اۋەجاي اۋە كەمەلەرىنە كوكتايعاققا قارسى كەزەكپەن قىزمەت كورسەتۋدى جانداندىردى. جۇمىسقا بارلىق ارنايى تەحنيكا مەن كۇشەيتىلگەن اۋىسىمدىق جەكە قۇرام جۇمىلدىرىلدى"، دەلىنگەن الماتى اۋەجايى باسپا ءسوز قىزمەتىنىڭ اقپاراتىندا.