تەرگەۋشىلەردىڭ ايتۋىنشا، 31 جاستاعى ەر ادام مەفەدرون قولدانىپ، ساقتاعان.
ۇشقىش مەكتەپ وقۋشىلارى اراسىنان بولاشاق ۇشقىشتاردى تارتۋ شاراسىنا قاتىسۋ ءۇشىن اقتاۋعا ۇشپاق بولىپتى، دەپ حابارلايدى Almaty-akshamy.kz
قامالعان كەزدە ول ەسىرتكىگە ەلتىپ،يماس بولعان. ونىڭ تۇرعىلىقتى جەرىنەن پلاستيك قۇبىر تاركىلەنىپ، ودان ۇنتاقتى شوگىندىلەر تابىلعان. ۇشقىش 2021 جىلدان بەرى ەسىرتكىگە تاۋەلدى ەكەنىن مويىنداعان.
ءوزىنىڭ ايتۋىنشا، ۇستالعانعا دەيىن ءبىر كۇن بۇرىن ءتورت گرامم ەسىرتكى قولدانعان. سوڭعى رەت 23 ءساۋىر كۇنى تاڭەرتەڭ پايدالانعان.
AirAstana اۋە كومپانياسى جاعدايدى راستاپ، سوتقا دەيىنگى تەرگەۋ امالدارى جۇرگىزىلىپ جاتقانىن مالىمدەدى.
«بۇل قىزمەتكەر جۇمىستان شەتتەتىلدى. اۆياكومپانيا قىزمەتكەرلەردىڭ الكوگولدى نەمەسە ەسىرتكىنى پايدالانۋىنا قارسى. سەبەبى، ۇشۋ قاۋىپسىزدىگى بىزدە ءبىرىنشى ورىندا. اۆياكومپانيادا ەكيپاجداردىڭ قانىندا الكوگول نەمەسە ەسىرتكى زاتتارىنىڭ بولۋىنا تۇراقتى نەگىزدە تەستىلەۋ جۇرگىزىلەدى»، - دەپ مالىمدەدى Air Astana.