اۋەجايدىڭ باسپا ءسوز قىزمەتىنىڭ مالىمەتىنشە، اۋەجايعا كىرەتىن جولدىڭ ءبىر بولىگىندە جوندەۋ جۇمىستارى جۇرگىزىلەدى، دەپ حابارلايدى aqshamnews.kz
"اقسۇڭقار" ءقوناقۇيىنىڭ جانىنداعى پاندۋسقا كىرۋ جولى جوندەۋ جۇمىستارىنا بايلانىستى ۋاقىتشا جابىلادى. جوندەۋ بارىسىندا گيدرووقشاۋلاۋ جاقسارتىلادى، جىلىتۋ جۇيەسى جاڭارتىلادى جانە جاڭا اسفالت توسەلەدى"، – دەلىنگەن حابارلامادا.
جوندەۋ كەزىندە پاندۋسقا كىرۋ جاڭا كوتەرمە جول ارقىلى جۇزەگە اسادى (قوزعالىس سىزباسىن قاراڭىز).
اۋەجاي وكىلدەرى ۋاقىتشا قولايسىزدىقتار ءۇشىن كەشىرىم سۇرادى.
ايتا كەتەيىك، تامىز ايىنىڭ باسىندا الماتىدا Horizon باعدارلاماسى ىسكە قوسىلدى. جوبا اۋەجايدى "الەمدىك دەڭگەيدەگى اۆياسيالىق حابقا" اينالدىرۋدى كوزدەيدى. ول بەس كەزەڭنەن تۇرادى، العاشقىسى 362 ميلليون دوللار تۇراتىن 130 نىساندى قامتيدى. قارجىلاندىرۋ اۋەجايدىڭ ءوز قاراجاتى، بانكتىك قارىزدار جانە جەكە ينۆەستيسيالار ەسەبىنەن جۇزەگە اسىرىلادى — مەملەكەتتىك كەپىلدىك پەن بيۋدجەتتەن دوتاسياسىز.