2023 جىل Tav Airports Holding كومپانياسى باسقاراتىن جانە قىزمەت كورسەتەتىن حالىقارالىق الماتى اۋەجايى ءۇشىن رەكوردتىق جىل بولدى.
جولاۋشىلار اعىنى سەگىز ميلليون ادامعا جەتتى، دەپ حابارلايدى Almaty-akshamy.kz كولىك مينيسترلىگىنە سىلتەمە جاساپ.
ورال-الماتى باعىتى بويىنشا KC 882 رەيسىمەن ۇشىپ كەلگەن مانابايەۆ قايرات 8 ميلليونىنشى جولاۋشى بولدى.
بۇل وقيعا اۋەجاي ءۇشىن دە،الماتى قالاسى ءۇشىن دە تاريحي بولىپ تابىلادى. حالىقارالىق الماتى اۋەجايىنىڭ بۇكىل تاريحىندا العاش رەت جولاۋشىلار اعىنى 8000000 ادامعا جەتتى. الماتى اۋەجايى گرۋزياعا ەكى ادامعا تۋريستىك ساپارعا قۇقىق بەرەتىن سەرتيفيكاتتىڭ يەگەرى بولعان قايرات مانابايەۆتى قۇتتىقتادى.
TAVAirports Holding بۇكىل الەم بويىنشا باسقارۋ سالاسىنداعى جەتەكشى كومپانيالاردىڭ ءبىرى.
TAV Airports Holding ءوزىنىڭ سەرۆيستىك كومپانيالارى ارقىلى 29 ەلدەگى 108 اۋەجايدا قىزمەتتەردىڭ كەڭ سپەكترىن ۇسىنادى. الماتى اۋە ايلاعىنىڭ وتكىزۋ قابىلەتىن ارتتىرۋ ماقساتىندا جاڭا حالىقارالىق جولاۋشىلار تەرمينالىنىڭ قۇرىلىسى ءجۇرىپ جاتىر. جاڭا تەرمينالدى سالۋ كەستەسى ىلگەرىلەپ كەلەدى جانە حالىقارالىق الماتى اۋەجايىنىڭ جاڭا تەرمينالىن 2024 جىلدىڭ جازىندا اياقتاۋ جوسپارلانۋدا.
جاڭا عيماراتتىڭ قۇرىلىسى بورت كولەمىنە بايلانىستى حالىقارالىق تەرمينالدىڭ ءبىر ۋاقىتتا جەتى ۇشاققا دەيىن قابىلداۋىنا مۇمكىندىك بەرەدى. اۋەجايدىڭ جالپى وتكىزۋ قابىلەتى جىلىنا 14ملن. جولاۋشىعا دەيىن ارتادى. جاڭا حالىقارالىق جولاۋشىلار تەرمينالىنىڭ اۋدانى 53،500م2 قۇرايدى. ونىڭ پايدالانۋعا بەرىلۋىمەن الماتى اۋەجايىنىڭ وتكىزۋ قابىلەتى جىلىنا14ملن. ادامعا دەيىن ۇلعايادى. ديزاينعا سايكەس قۇرىلىم قولدانىستاعى تەرمينال عيماراتىنا جەر ءۇستى وتكەلى ارقىلى قوسىلادى. جاڭا ءۇيجاي جولاۋشىلارعا عيماراتتىڭ سىرتىنا شىقپاي-اق، ىشكى جانە حالىقارالىق رەيستەردەن اۋىسۋعا وڭاي قول جەتكىزۋدى قامتاماسىز ەتەدى.
وتكەن جىلى حالىقارالىق الماتى اۋەجايى جىلىنا 2،7 ملن. ادامعا ەسەپتەلگەن وتكىزۋ قابىلەتى كەزىندە 7،2 ملن جولاۋشىنى قابىلدادى.