استرونومدار الماتىدا پوليارلىق شۇعىلا كورىنۋى مۇمكىن ەكەنىن بولجادى. بۇل قۇبىلىس كۇشتى ماگنيتتىك داۋىلدىڭ ناتيجەسىندە ورىن الۋى ىقتيمال، دەپ حابارلايدى aqshamnews.kz.
عالىمداردىڭ مالىمەتىنشە، 10-12 قازان ارالىعىندا كۇندە بولعان ءىرى جارقىلمەن بايلانىستى قۋاتتى گەوماگنيتتىك داۋىل كۇتىلۋدە.
"9 قازاندا كۇندە X1.8 دەڭگەيىندەگى جارىلىس بولدى، ول پلازمانىڭ تەز بولىنۋىمەن قاتار ءجۇردى. بۇل پلازما جەرگە 10 قازان كۇنى جەتەدى دەپ كۇتىلۋدە. پلازمانىڭ كولەمى ۇلكەن جانە قۇرىلىمى ءارتۇرلى، سوندىقتان داۋىلدىڭ سالدارىن بولجاۋ قيىن. ەڭ ناشار سەناريي بويىنشا، بيىلعى مامىر ايىنداعىداي بەسىنشى دەڭگەيدەگى داۋىلداردىڭ قايتالانۋى مۇمكىن. ءبىراق ءتورتىنشى دەڭگەيدەگى داۋىلدىڭ ءۇش كۇنگە سوزىلۋى ىقتيمال"، — دەپ حابارلادى استرونومدار.
سونداي-اق عالىمدار پوليارلىق شۇعىلانىڭ 40 گرادۋس ەندىكتە كورىنۋى مۇمكىن ەكەنىن، وعان الماتى، سوچي جانە ۆلاديۆوستوك قالالارى كىرەتىنىن ايتتى.